Respýblıkalyq referendým ótetin kúni erekshe qajettiligi bar turǵyndar saılaý ýchaskelerine jetý úshin «Invataksı» qyzmetin tegin paıdalana alady.

Muny qaladaǵy Jumyspen qamtý jáne áleýmettik baǵdarlamalar basqarmasy uıymdastyryp otyr. Onyń maqsaty – saılaý ýchaskelerine qoljetimdilikti qamtamasyz etý jáne múmkindigi shekteýli azamattardyń qatynaýyna jaǵdaı jasaý. Atap aıtqanda, múgedekter arbasymen júretin adamdarǵa, tirek-qımyl apparaty buzylǵan azamattarǵa jáne kórý qabileti nashar jandarǵa arnalǵan.

Qazirgi ýaqytta qyzmet kórsetý úshin 170 «Invataksı» kóligi, ıaǵnı 36 arnaıy jabdyqtalǵan kólik, 134 jeńil avtokólik jumyldyrylǵan. 

Sonymen qatar, ótinish túsken jaǵdaıda paıdalanýǵa arnalǵan qosymsha 20 avtokólik te qarastyrylǵan.

«Invataksı» qyzmetine tapsyrys berý úshin baılanys nómirleri:

Múgedekter arbasyn paıdalanatyn azamattar men tirek-qımyl apparaty buzylǵan adamdar úshin:
+7 707 710 60 50
+7 747 195 35 75
+7 747 402 64 15

Kórý qabileti buzylǵan azamattar úshin:
+7 727 338 32 78
+7 705 980 87 09
+7 705 831 48 14

Sonymen qatar, kezekshi avtokólikti myna nómirler arqyly shaqyrýǵa bolady:
+7 700 151 0701 / 338-30-09.