Ádilet mınıstriniń orynbasary Alma Muqanova partıalardy tirkeýden ótkizgen kezde saıası kózqarastaryna nazar aýdarylmaıtynyn aıtty. Jýrnalıser mınıstr orynbasarynan "Alǵa Qazaqstan" partıasynyń 14 ret tirkeýge ótinish bergenin, alaıda ótinishteri keri qaıtarylǵanyn aıtyp suraq qoıǵan. 

– Bizde partıalarǵa qoıylatyn talaptar bar. Olar "saıası partıalar týraly zańǵa" sáıkes bolýy kerek. Talaptardyń biri – ol uıym basqa memleketten qarjy almaýǵa tıis. Áskerge qatysy bolmaýǵa tıis. Al saıası kózqarastary boıynsha degen joq, – dep jaýap berdi vıse-mınıstr Azattyq tilshileriniń suraǵyna.

Vıse-mınıstr partıanyń qujattaryn teksergen kezde memlekettik organdar men bazadaǵy aqparatqa súıenetinin aıtyp, "partıalardy tirkemeýdiń saıası sebebi bar" degen opozısıa belsendileriniń sózin joqqa shyǵarýǵa tyrysty.