Opozısıalyq saıasatker Jasaral Qýanyshálın qaıtys boldy. Keshe onyń naýqastanyp, jansaqtaý bólimine túskeni habarlanǵan edi.
Onyń qaıtys bolǵanyn belsendi Nıazbek Iýsýpov rastady. Qaraly habardy Iýsýpovke dárigerler aıtqan.
Belsendiniń aıtýynsha, 18 mamyrda tústen keıin Jasaral Qýanyshálındi dárigerler jasandy tynys apparatyna jalǵaǵan, alaıda júregi shydamaǵan.
Jasaral Qýanyshálın 1994-95 jyldary Qazaqstan Joǵarǵy keńesiniń depýtaty bolǵan. Keıin opozısıaǵa ótip, túrli uıymnyń qatarynda bılik saıasatyn ashyq synap keldi. Keıingi jyldary partıa qurýǵa talpynǵanymen, olardy ádilet mınıstrligi ártúrli ýájben tirkemegen. Prezıdent saılaýyna túsýge nıet te bildirgenimen, kandıdat retinde tirkele almaǵan.
