Sybaılas jemqorlyqqa qarsy is-qımyl agenttigi eks-depýtat Nurjan Áltaevtyń ustalýyna qatysty málimet berdi. 

Antıkordyń jasyryn is-sharalar kesheniniń nátıjeleri boıynsha Nurjan Áltaevty asa aýyr jemqorlyq qylmys jasady degen kúdik boıynsha ustaǵanyn málimdedi. 

“7 maýsymda Sybaılas jemqorlyqqa qarsy qyzmet jasyryn is-sharalar kesheniniń nátıjeleri boıynsha eks-vıse-mınıstr N.B. Áltaevty asa aýyr jemqorlyq qylmys jasady degen kúdik boıynsha ustady. N.B. Áltaev Eńbek jáne áleýmettik qorǵaý vıse-mınıstri, keıinnen QR Parlamenti Májilisiniń depýtaty retinde júıeli negizde «Atameken» Ulttyq Kásipkerler palatasynyń Basqarma tóraǵasy A.I. Myrzahmetovten asa iri mólsherde para aldy dep kúdiktenedi”, – delingen habarlamada.

Vedomstvo málimetinshe, 2018-2020 jyldary Áltaev laýazymyn asyra paıdalanǵan. Ol  A.I.Myrzahmetovtyń uıymyna memlekettik tapsyrystar alýyna yqpal jasap, qamqorshylyq kórsetken. Qazir Nurjan Áltaev Astana qalasy polısıa departamentiniń ýaqytsha ustaý ızolátoryna qamalǵan. Ózge aqparat tergeý múddesi úshin ózge aqparat jarıalanbaıdy.

Eske sala keteıik, 2020 jyly jeltoqsanda Májilistiń burynǵy depýtaty Nurjan Áltaev óziniń El-Tiregi partıasyn quratynyn málimdegennen keıin NurOtan partıasynan shyǵarylǵan bolatyn.

Ótken saılaýda ol depýtattyq mandat úshin kúresýge tyrysyp, kandıdatýrasyn usynǵan bolatyn. Alaıda 2022 jylǵy 12 qazanda Qazaqstan OSK Nurjan Áltaevtyń kandıdattarǵa qoıylatyn talaptarǵa sáıkestigin belgileý rásimin toqtatqanyn habarlady