Shymkentte eńbek jáne áleýmetik qorǵaý departamentiniń jetekshisi ekinshi top múgedeginen para alǵan. Ol azamattyń múgedektigin taǵy da sozyp berý úshin aqsha suraǵan.

10 myń teńgeni qaltasyna basqan departament jetekshisi áreketi úshin sot zalynan bir-aq shyqty. Oǵan 250 myń teńge mólsherinde aıypul salynyp, memlekettik qyzmette jumys isteýge ómir boıyna tıym salyndy.

"Bul halyqtyń osal tobyna qatysty jasalǵan óte aýyr qylmys. Osyǵan baılanysty bizdiń departament birqatar is-sharalar ótkizdi. Nátıjesinde eńbek jáne áleýmettik qorǵaý departamenti № 5 bóliminiń basshysyna qatysty para alý faktisi boıynsha sotqa deıingi tergeý júrgizildi. Ol basshy laýazymdy atqara otyryp, deldal arqyly ekinshi toptaǵy múgedek azamatqa múgedektik merzimin uzartý úshin 10 myń teńge para alǵan", – dedi QR Sybaılas jemqorlyqqa qarsy is-qımyl agenttiginiń Shymkent qalasy boıynsha departamentiniń bólim basshysy Oljas Tobashov.

Shenýnikke qatysty is materıaldary sotqa jiberildi, dep habarlady Otyrar.kz