Qarjy mınıstrligi "Balalarǵa arnalǵan ulttyq qor" baǵdarlamasy boıynsha balanyń shotyna aqshanyń túsken-túspegenin qaıdan jáne qalaı tekserýge bolatynyn túsindirdi. Vedomstva esepteý týraly aqparat 1 aqpanda saıtta paıda bolatynyn aıtty.

Qazaqstandyq balalardyń esepshotyna barlyǵy 888 mıllıon dollar aýdarylady. 

"Balanyń baǵdarlamaǵa qatysýy jáne eseptelgen somalar týraly aqparatty balanyń JSN-in kórsetip, arnaıy qurylǵan kids.enpf.kz saıtynan kórýge bolady. Onda siz baǵdarlamanyń sharttaryn oqyp, nusqaýlar men suraqtaryńyzǵa jaýap ala alasyz. Balaǵa eseptelgen qarajat týraly málimetterdi egov.kz portalyndaǵy jeke kabınetten jáne Halyk jáne Kaspi.kz qosymshalarynan kórýge bolady", – delingen habarlamada.

Bıyl tólemdi 6,9 mıllıonnan astam adam alady (2007-2024 jyldar aralyǵynda týǵan). Onyń 300 myńnan astamy 2025 jyly 18 jasqa tolady.