Qarjy vıse-mınıstri Erjan Birjanov Qazaqstanda mobıldi aýdarymdar boıynsha monıtorıń jasalatyn shekti somany 255 myń teńgeden 1,2 mıllıon teńgege deıin ulǵaıtý máselesi talqylanyp jatqanyn málimdedi.

Vıse-mınıstrdiń aıtýynsha, qazir mobıldi aýdarymdardy baqylaý úshin shekti somany ózgertý jospary qarastyrylyp jatyr. 

Birjanovtyń aıtýynsha, bul sheshim ulttyq bankpen birlesip qabyldanǵan. Qazir tek tehnıkalyq júzege asyrý máselesi qarastyrylyp jatyr. Bankterden jaýap alynyp, jaqyn arada osy júıe iske qosylady. Memlekettik kirister komıteti 2022 jyldan bastap mobıldi aýdarymdar tekseriletinin aıtady. Sebebi kásipkerler "aýdarymmen tóleńiz" sqemasyn qoldanbaı, salyq tólemeý úshin aqsha alyp jatyr.

Qoldanystaǵy júıe týraly tolyǵyraq:

• Eger úsh aı boıy sizge 100 ár túrli nómirden aqsha aýdarylsa, siz múmkin bolatyn adal emes kásipker bolyp eseptelesiz.
• Sizdiń derekterińizdi bankter salyq organdaryna jiberýge mindetti.

Jańa ózgeris:

• Endi shekteý engiziledi. Úsh aıda sizdiń shotyńyzǵa kelip túsken jalpy aýdarym somasy 1,02 mıllıon teńgeden assa ǵana sizdiń derekterińiz salyq organdaryna jiberiledi.

• Mysaly, eger siz bazarda kúnbaǵys dánin satatyn bolsańyz jáne tólemder aýdarym arqyly bolsa, sizge nazar aýdarylmaıdy. Óıtkeni úsh aıda mıllıon teńge tabys tabýyńyz ekitalaı.

"Qarjy mınıstriniń tıisti buıryǵy qazirgi ýaqytta Ulttyq banktiń qaraýynda", – dep habarlady Memlekettik kirister komıteti.