Sarapshylar 38 óndirýshiniń táttilerin zerttegen, olardyń ishinde 37 reseılik brendtiń jáne bir qazaqstandyq – “Shın Laın” brendinen «Mıshka na polúse» balmuzdaǵy bar. Zertteý nátıjesi boıynsha, 29 óndirýshiniń ónimderinen ártúrli zıandy qospalar anyqtaldy.

Sapany baqylaý uıymy qazaqstandyq «Shın Laın» kompanıasynyń «Mıshka na polúse» balmuzdaǵynan jáne «Ermolına» balmuzdaǵynan ishek taıaqshalaryn tapqan. Sarapshylar mundaı bakterıalar termıalyq óńdeýden ótpegen ónimderde bolýy múmkin ekenin atap ótti. İshek taıaqshasy balmuzdaqqa ónimdi óndirý tehnologıasy buzylsa, jetkizý jáne saqtaý kezeńinde qaptamanyń bútindigi buzylsa túsýi múmkin.

«Shın Laın» kompanıasy QR Densaýlyq saqtaý mınıstrliginiń «Sanıtarlyq-epıdemıologıalyq saraptama jáne monıtorıń ǵylymı-praktıkalyq ortalyǵy» táýelsiz zerthanasynyń qorytyndysy boıynsha «Mıshka na polúse» balmuzdaǵynan ishek taıaqshasy tabylmaǵanyn habarlady. 

«Shın-Laın kompanıasynyń sarapshylary jazda mıkrobıologıaǵa qatysty shaǵymdardyń sebebi kóterme jáne bólshek saýda núktelerindegi júkterdi tasymaldaý jáne saqtaý talaptarynyń buzylýynan bolýy múmkin dep sanaıdy», – delingen kompanıanyń habarlamasynda