28 sáýirde Almatyda oblys ákimi Marat Sultanǵazıev Sıngapýr Respýblıkasy Parlamentiniń Spıkeri SEA Kıan Pen myrzamen kezdesti. Ekonomıkanyń túrli salalaryndaǵy ekijaqty yntymaqtastyq máseleleri talqylandy, dep habarlaıdy Qamshy.kz aqparattyq agenttigi.

Kezdesý barysynda oblys ákiminiń orynbasary Rýstam Isataev, Alataý AEA basqarýshy kompanıasynyń dırektory Saýrbek Jánibek Alatau city jobalaryn tanystyrdy. Taraptar ekonomıkanyń túrli salalaryndaǵy ekijaqty yntymaqtastyq máselelerin talqylady.

Qazaqstannyń Sıngapýrmen tyǵyz yntymaqtastyǵy Almaty oblysymen qarym-qatynastyń damýyna da oń áserin tıgizdi. Eki taraptyń ózara is – qımylynyń qysqa merzimdi josparlarynda týrızm men aýyl sharýashylyǵyn damytý, uzaq merzimdi josparlarda-balamaly energetıka, TKSH, bilim berý jáne aýqymdy ınvestısıalyq jobalar bolyp tabylady.

– Sıngapýrdyń iri kompanıalarynyń ereksheligi-olar óz kapıtalyn basqa elderdiń ekonomıkalaryn damytýǵa belsendi túrde ınvestısıalaıdy. Alataý qalasynda jobalardy durys iske asyrý - ony búkil álem boıynsha ilgeriletý úshin óte jaqsy múmkindik, - dep atap ótti Marat Sultanǵazıev.

Mysaly, qazirgi ýaqytta sıngapýrlyq Surbana Jurong kompanıasymen birlesip "Alataý" ıntegrasıalanǵan qalasyn salý boıynsha joba boıynsha jumys jalǵasýda. Almaty oblysyndaǵy ıntegrasıalanǵan Alataý qalasyn damytý tujyrymdamasyna sáıkes joba tórt taqyryptyq aýdannan turatyn bolady.

– Almaty oblysy-ekonomıkalyq, óndiristik, týrısik áleýeti boıynsha elimizdiń jetekshi óńirleriniń biri. Alataý qalasynyń Almaty men Qonaev qalalary arasynda ornalasýy strategıalyq turǵydan óte mańyzdy. Bul tek osy aımaqty ǵana emes, búkil eldi damytýdyń lokomotıvine aınalady. Sıngapýrlyq jáne Halyqaralyq bıznes osy jobany iske asyrýǵa qatysady dep úmittenemiz, - dep atap ótti Asqar Quttyqadam.

Ekijaqty ınvestısıalyq yntymaqtastyq aıtarlyqtaı ósýde, túrli baǵyttarda joǵary nátıjelerge qol jetkizildi. Ótken jyly elderimiz arasyndaǵy dıplomatıalyq qatynastar 30 jyldyǵyn atap ótti. Taraptar jahandyq bastamalarǵa ózara qoldaý kórsetedi.