Almaty oblysynda aldaǵy ýaqytta 7 myń jańa jumys orny ashylady. Jumys oryndary iri on bir ınvestısıalyq jobany iske asyrý nátıjesinde júzege aspaq.

Premer-mınıstr Oljas Bektenov Almaty oblysyna jumys saparymen bardy. İs-sapar barysynda premer-mınıstr Qonaev jáne Alataý qalasyn damytý josparymen tanysyp qaıtty. Prezıdent tapsyrmasymen Qonaev qalasyn ekologıalyq, "aqyldy" qala tujyrymdamasymen damytý jospary ázirlengen. Al Qonaev qalasynda abattandyrý jumystary belsendi túrde júrgizilip jatyr. Byltyr 106 km ınjenerlik ınfraqurylym jelileri jóndeldi. 610 páterden turatyn 10 úı salyndy. Qazirgi tańda 32 úı qurylysy bastalady dep josparlanyp otyr. Abanttandyrý men ınjenerlik ınfraqurylym salasyn damytý úshin memlekettik búdjetten de, jeke sektor tarapynan da qoldaý kórsetiledi.

Al Alataý qalasy arnaıy ekonomıkalyq aımaqtyń ortalyǵyna aınalady. Qala aýmaǵyndaǵy 96 myń gektar jerde jalpy somasy 383 mlrd teńgege 11 iri ınvestısıalyq jobany iske asyrý josparlanyp otyr. Bul joba barysynda 7 myń jańa jumys ornyn ashýǵa múmkindik beredi.

Aıta keteıik, oblystaǵy jumyssyzdyq kórsetkishi 2024 jylǵy I toqsanda 34,8 myń adamdy quraǵan.2024 jyldyń 1 mamyrǵa jumyspen qamtý organdarynda jumyssyzdar retinde tirkelgender sany 24331 adamdy qurady nemese jumys kúshiniń sanyna 3,3% bolyp qalyptasty.