2024 jyldyń 1 qańtaryndaǵy esep boıynsha Almaty oblysynda belsendi jumys jasap kele jatqan 135 myńǵa jýyq shaǵyn jáne orta bıznes sýbektileri bar. Bul kásiporyndar oblystyń 245 myńǵa jýyq turǵynyn jumyspen qamtamasyz etip, orta jáne shaǵyn bıznes sýbektileriniń óńir ekonomıkasynyń damýyna qosqan úlesi zor ekenin kórsetedi. Bul týraly Ulttyq statısıka búrosynynyń deregine súıene otyryp, oblys ákimdigi habarlady.
Almaty oblysynda shaǵyn jáne orta bıznesti damytý memlekettik saıasattyń negizgi baǵyttarynyń biri bolyp tabylady. Oblysta kásipkerlik belsendilikti yntalandyrýǵa baǵyttalǵan túrli baǵdarlamalar men qoldaý sharalary bar. Olardyń qatarynda nesıeler boıynsha paıyzdyq mólsherlemelerdi sýbsıdıalaý, bıznesti damytýǵa ártúrli granttar berý, sondaı-aq kásipkerlerge keńes berý jáne bilim berý qyzmetteri kiredi.
İsin jańadan bastaǵan jáne ınovasıalyq kásiporyndardy damytý úshin qolaıly jaǵdaı jasaýǵa erekshe kóńil bólinilip jatyr. Qazirgi tańda oblysta kásipkerlerdiń zamanaýı tehnologıalar men ınfraqurylymǵa qoljetimdiligin qamtamasyz etetin bıznes-ınkýbatorlar men tehnoparkter belsendi jumys istep jatyr.
Almaty oblysynyń ekonomıkalyq damýy úshin orta jáne shaǵyn bıznes oryndary asa mańyzdy. Bul kásiporyndar jumys oryndaryn ashýǵa jáne jumyssyzdyqty azaıtýǵa kómektesip qana qoımaı, óńir ekonomıkasyn ártaraptandyrýǵa, salyq túsimderin arttyrýǵa jáne halyqtyń ómir súrý sapasyn jaqsartýǵa yqpal etedi.
SHOB-ty memlekettik qoldaý jáne belsendi damytý turaqty ekonomıkalyq ósý, ınvestısıalyq ahýaldy jaqsartý jáne óńirdiń básekege qabilettiligin arttyrý alǵysharttaryn jasaıdy. Osy oraıda Almaty oblysy ekonomıkalyq damý jolynda shaǵyn jáne orta bıznes sýbektilerin arttyrýdyń qandaı nátıje beretinin kórsetip, ózge oblystarǵa úlgi bolyp otyrǵanyn aıta ketken jón.
Pikir qaldyrý