Almaty oblysynyń ákimi Marat Sultanaǵazıev Sıngapýr Respýblıkasy Parlamentiniń spıkeri SEA Kıan Penmen kezdesti, dep habarlady Almaty oblysy ákiminiń baspasóz qyzmeti.

Kezdesýde Sıngapýr tarapynan delegasıa quramynda Szánsı provınsıasy halyq úkimeti keńsesi dırektorynyń syrtqy ister jónindegi orynbasary, Szánsı provınsıasy densaýlyq saqtaý komıteti dırektorynyń orynbasary, Szánsı provınsıasy Szúszán ýnıversıtetiniń rektory, Szánsı provınsıasy halyqtyq jınalysy turaqty komıteti keńsesi janyndaǵy bólim bastyǵynyń orynbasary boldy. Qazaqstan  tarapynan Qazaqstan Respýblıkasynyń Sıngapýr Respýblıkasyndaǵy Avstralıa odaǵyndaǵy jáne Jańa Zelandıadaǵy Tótenshe jáne Ókiletti Elshisi - Quttyqadam Asqar, VIII saılanǵan Qazaqstan Respýblıkasy Parlamenti Májilisiniń Halyqaralyq ister, qorǵanys jáne qaýipsizdik komıtetiniń múshesi - Qusbekov Oljas, "Caspian Group" Dırektorlar keńesiniń tóraǵasy - Shaı Iýrıı Andreevıch, "Caspian Group" dırektory - Kım Aleksandr jáne "Alataý" AEA basshysy - Saýrbek Jánibek qatysty.

Kezdesý barysynda oblys ákiminiń orynbasary Rýstam Isataev "Alatau city" jobasyn aǵylshyn tilinde tanystyrdy. Taraptar ekonomıkanyń túrli salalaryndaǵy ekijaqty yntymaqtastyq máselelerin talqylady. Qazaqstannyń Sıngapýrmen tyǵyz yntymaqtastyǵy Almaty oblysymen qarym-qatynastyń damýyna da oń áserin tıgizdi. Eki taraptyń ózara is-qımylynyń qysqa merzimdi josparlarynda týrızm men aýyl sharýashylyǵyn damytý, uzaq merzimdi josparlarda balamaly energetıka, TKSH, bilim berý jáne aýqymdy ınvestısıalyq jobalar bolyp tabylady.

– Sıngapýrdyń iri kompanıalarynyń ereksheligi – olar óz kapıtalyn basqa elderdiń ekonomıkalaryn damytýǵa belsendi túrde salýda. Alataý qalasynda jobalardy durys iske asyrý – ony búkil álem boıynsha ilgeriletý úshin óte jaqsy múmkindik, – dep atap ótti Marat Sultanǵazıev.

Mysaly, qazirgi ýaqytta sıngapýrlyq "Surbana Jurong" kompanıasymen birlesip "Alataý" ıntegrasıalanǵan qalasyn salý týraly joba boıynsha jumys jalǵasýda. Almaty oblysyndaǵy "Alataý" ıntegrasıalanǵan qalasyn damytý tujyrymdamasyna sáıkes joba tórt taqyryptyq aýdannan turatyn bolady: "Gate City" – iskerlik jáne qarjy ortalyǵy; "Golden District" – bilim berý jáne medısınalyq hab; "Growing District" – ınovasıalyq-ındýstrıalyq jáne saýda-logıstıkalyq aımaq; "Green District" – týrısik klaster. Alataý qalasynda shamamen 2,2 mln. adam turady dep boljanýda.

– Almaty oblysy-ekonomıkalyq, óndiristik, týrısik áleýeti boıynsha elimizdiń jetekshi óńirleriniń biri. Alataý qalasynyń Almaty men Qonaev qalalary arasynda ornalasýy strategıalyq turǵydan óte mańyzdy. Bul tek osy aımaqty ǵana emes, búkil eldi damytýdyń lokomotıvine aınalady. Sıngapýrlyq jáne halyqaralyq bıznes osy jobany iske asyrýǵa qatysady dep úmittenemiz, – dep atap ótti Asqar Quttyqadam.

Ekijaqty ınvestısıalyq yntymaqtastyq aıtarlyqtaı ósýde, túrli baǵyttarda joǵary nátıjelerge qol jetkizildi. Ótken jyly elderimiz arasyndaǵy dıplomatıalyq qatynastar 30 jyldyǵyn atap ótti. Taraptar jahandyq bastamalarǵa ózara qoldaý kórsetedi.

Anyqtama: eki eldiń taýar aınalymynyń kólemi 2023 jylǵy jaǵdaı boıynsha 1,6 mlrd dollardy qurady. AQSH, eksport – 1,5 mlrd dollar, ımport – 75 mln dollar.

2023 jyldyń jeltoqsan aıynda QR-da Sıngapýr kapıtalynyń qatysýymen 143 zańdy tulǵa, fılıaldar men ókildikter tirkelgen.

Sońǵy úsh jylda elder arasyndaǵy taýar aınalymy 16 eseden astam ósti.