Ulttyq statısıka búrosynyń dereginshe bıyl el halqynyń sany 20 mln-nan asqan. 

Bul rette jas toptary boıynsha mynadaı bólinis baıqaldy: 

• 25 jasqa deıin — 8,5 mln adam (42,6%)
• 25 jastan 65 jasqa deıin — 9,7 mln adam (48,5%)
• 65 jastan asqan — 1,8 mln adam (8,9%).

Qazaqstanda halyq sany 2050 jyldyń sońyna qaraı 26,3 mln adamǵa jetedi dep boljanyp otyr. 

Ómir súrý uzaqtyǵy (halyqtyń ólim-jitim deńgeıi qarastyrylyp otyrǵan jylmen birdeı bolǵan jaǵdaıda, adamnyń ortasha ómir súrý uzaqtyǵynyń máni) pandemıa jaǵdaıynda (2020-2021) tómendegennen keıin 2021 jylǵy 70,23-ten 2023 jyly 75,09 jasqa deıin ósti.

BJZQ-nyń da, BUU-nyń da boljamdary ómir súrý uzaqtyǵynyń ulǵaıýyna baılanysty 2050 jylǵa qaraı demografıalyq qartaıýdyń joǵary deńgeıi baıqalatynyn kórsetedi.

Óıtkeni 60 jáne odan joǵary jastaǵy adamdardyń úlesi 2008 jylǵy 9,7%-dan 2023 jyly 13,6%-ǵa deıin ósti jáne osylaı ósýin 2050 jylǵa qaraı 16,7%-ǵa deıin jalǵastyra bermek.

Iaǵnı 2050 jylǵa orta eseppen árbir altynshy qazaqstandyq 60 jáne odan joǵary jasta bolady.

60 jastaǵy jáne odan asqan adamdar úlesi 

Halyq qurylymyna áser etetin negizgi faktorlardyń biri — jıyntyq týý koefısıenti (JTK). Ol bir áıeldiń bala týý qabileti bar kezeńde (ıaǵnı 15 pen 50 jas aralyǵynda) ortasha eseppen qansha ret bosana alatynyn kórsetedi.

2022 jyldan bastap bul kórsetkishtiń 2023 jyly 3,05-ten 2,96-ǵa deıin tómendeýi baıqaldy. BUU boljamynsha, Qazaqstandaǵy týý koefısıenti 2050 jylǵa qaraı bir áıelge shaqqanda 2,42 balaǵa deıin odan ári tómendeıdi. 

Bala týý kórsetkishiniń tómendeýi — búkil álem úshin jahandyq úrdis. Týý kórsetkishteriniń birtindep tómendeýi jáne ómir súrý uzaqtyǵynyń ulǵaıýy jaǵdaıynda 1 eńbekke qabiletti adamǵa túsetin demografıalyq júkteme artady.