- Ózektiligin joǵaltpaǵan sovet múltfılmderin qaıtadan memlekettik ekranǵa shyǵarý máselesindegi sizdiń ustanymyńyz qandaı?  - dep surady Senator Janna Asanova «Mass-medıa týraly» zańdy talqylaý kezinde. 

Vıse-mınıstr mundaı bastamany ishinara qoldaıtynyn aıtty.

- Balalar ertegilerin retranslásıalaý týraly suraqqa kelsek, sovet múltfılmderi ózekti bolǵan kezdiń shet jaǵasyn biz de kórdik. Meniń jeke kózqarasym boıynsha, ol múltfılmder shynymen de eńbek qundylyǵyna, jaqynǵa qurmet, Otanǵa degen mahabbat qundylyqtaryna sáıkes keledi. Biz bul baǵytta jumys isteımiz. Jalǵyz atap ótkim keletini, biz retranslásıalamaımyz, aýdarmasy bolady. Iaǵnı arhıvten alyp, memlekettik tilge aýdaryp kórsetemiz jáne áleýmettik jelidegi jumysty kúsheıtýge qoldanamyz. Óıtkeni 3-18 jas aralyǵyndaǵy óskeleń urpaqtyń úlken bóligi áleýmettik jelide otyrady. Sondyqtan aýdarma, dýbláj máselesin baqylaýda ustaımyz, - dedi Qanat Ysqaqov.