Parlament senaty Mass-medıa týraly májilis qabyldaǵan negizgi zańdy maquldady. Zań jobasy Úkimettiń bastamasymen ázirlengen.

"Mass-medıa týraly" zańǵa "Buqaralyq aqparat týraly" jáne "Teleradıo habarlaryn taratý týraly" qoldanystaǵy zańdarǵa tómendegi normalardy engizý kózdeledi:

• Memlekettik emes buqaralyq aqparat quraldaryna otandyq kontentti damytý, Qazaqstannyń aqparattyq egemendigin nyǵaıtý jáne qorǵaý úshin granttyq qarjylandyrý beriletin boldy;
• Buqaralyq aqparat quralynda jarıalanǵan aqparattar boıynsha jeke nemese zańdy tulǵalardyń talap qoıý merzimi 1 jyl bolyp belgilendi;
• BAQ suraýlaryn qaraý merzimi 7 jumys kúnnen 5 jumys kúnine deıin qysqartyldy;
• BAQ qyzmetine ózin-ózi retteýge, medıa salasyn damytýǵa múmkindik berý maqsatynda erikti negizde qoǵamdyq-kásiptik keńes qurýǵa jáne jýrnalıserdiń ádep kodeksin ázirleýge múmkindik berildi;
• Memlekettik tildegi tele-radıobaǵdarlamalardyń apta saıynǵy kólemin 50%-dan 60%-ǵa deıin kezeń-kezeńimen ulǵaıtý belgilendi (2025 jyldan bastap 55%, 2027 jyldan bastap 60%);      
• Otandyq tele, radıo baǵdarlamalardyń jáne qazaqstandyq avtorlardyń/oryndaýshylardyń mýzykalyq shyǵarmalarynyń otandyq tele, radıoarnalardaǵy kólemin 50%-dan 60%-ǵa deıin kezeń-kezeńimen ulǵaıtý (2025 jyldan bastap 55%, 2027 jyldan bastap 60%) kózdeldi;
• Otandyq tele, radıoarnalardaǵy sheteldik baǵdarlamalardyń retranslásıasyn 20%-dan 10%-ǵa deıin azaıtý belgilendi;
• Jýrnalısiń kásibı qyzmetiniń quqyqtyq kepildikterin qamtamasyz etý jóninde normalar engizildi.

Zań jobasy prezıdenttiń qol qoıýyna joldandy.