Saıram aýdany prokýratýrasynyń úılestirýimen polısıa qyzmetkerleri júrgizgen jedel is-sharalar nátıjesinde bopsalaý arqyly aqsha talap etý faktisi boıynsha eki tulǵa ustaldy, dep habarlaıdy QR Bas prokýratýrasynyń baspasóz qyzmeti.
"Atap aıtqanda «A» jáne «E» esimdi belsendi blogerler aýdandaǵy bir mektep dırektorynan Facebook áleýmettik jelisinde iskerlik bedeldigine nuqsan keltiretin jarıalanymyn joıý úshin 100 000 teńge talap etken", – delingen habarlamada.
Atalǵan fakt boıynsha QR Qylmystyq kodeksiniń 194-baby 2-bóligimen sotqa deıingi tergep-tekserý bastalyp, kúdiktiler eki aıǵa qamaýǵa alyndy.
Pikir qaldyrý