Senattyń jalpy otyrysynda Úkimet jáne Joǵary aýdıtorlyq palatasynyń 2023 jylǵy respýblıkalyq búdjettiń atqarylýy týraly esebi talqyǵa salynyp jatyr.

Senat spıkeri Máýlen Áshimbaev qarjy jetispeý máselesi baryn ashyq aıtty.

«Biz óńirlerge qarjy jetispeýshiligin kórip otyrmyz. Transferttege qatysty problema bar. Bul júıeli problema. Áriptester, biz ótken jyldyń búdjetin qarastyryp otyrmyz. Sondyqtan júıeli másele baryn atap ótýimiz kerek», - dedi palata tóraǵasy.

Senat spıkeri búdjettiń shyǵysy men kirisinde alshaqtyq baryn da aıtty.

Búdjet shyǵysy bóliginde teńgerimsizdik bar. Iaǵnı shyǵynymyz kóp, tabys tabýda máseleler bar. Buǵan deıin biz Ulttyq qordy paıdanalamyz dep aıtqanbyz. Biraq bul jetiskennen emes. Bizde shyǵyn men kiristiń arasynda úlken alshaqtyq bar, - dedi Máýlen Áshimbaev.

Sondaı-aq Máýlen Áshimbaev byltyrǵy búdjet kórsetkishi esebiniń jaqsarýyna qandaı faktorlar áser etkenin túsindirdi.

«Byltyr búdjet parametri neniń esebinen jaqsy kórsetkishke ıe boldy? Bul salyqtar boıynsha – avanstyq tólemder esebinen boldy. Iaǵnı, aldyn ala 300 mlrd teńge salyq túsimin aldyq. «QazMunaıGaz» AQ esebinen de boldy. Byltyr QQS eksporttaýshylaryna 500 mlrd teńge berilmedi. Tıisinshe, osy parametrlerdiń barlyǵy byltyrǵy bújetke áser etti», - dedi Senat tóraǵasy.