«Ónegeli urpaq» taqyryptyq aptalyǵy aıasynda 787 is-shara ótkizildi, 2308 egde jastaǵy adamǵa kómek kórsetildi.

Volonterler, jastar resýrstyq ortalyǵy ókilderi jáne Almaty oblysynyń «Kovcheg» balalar úıi tárbıelenýshileri birigip senbilik ótkizdi. Aýmaqty kógaldandyrýmen aınalysyp, kóshetter otyrǵyzýǵa 50 adam qatysty. Sonymen qatar, jasóspirimderge arnalǵan konserttik baǵdarlama uıymdastyryldy.

İs-shara sońynda balalar úıiniń tárbıelenýshilerine syılyqtar tabystaldy.

Jalpy, aksıa barysynda 8 sáýir men 4 mamyr aralyǵynda óńirlerde 5,6 myńnan astam is-shara ótkizilip, oǵan 1 mln-nan astam adam qatysqan.  

6-11 mamyr aralyǵynda ózen-kólder mańyn qoqystan tazalaýǵa baǵyttalǵan «Móldir bulaq» taqyryptyq aptalyǵy uıymdastyrylady. Barlyq is-sharaǵa jastar resýrstyq ortalyqtary, volonterlik qoǵamdastyqtar belsendi qatysady.

QR Mádenıet jáne aqparat mınıstrliginiń baspasóz qyzmeti