Máselen, «Móldir bulaq» aptalyǵynyń besinshi kúni ózen, kólderdiń, bulaqtar men sý aıdyndarynyń aımaqtaryn qoqystan tazartý úshin 101 is-shara uıymdastyryldy. 139 aýmaq tazartyldy.

Jetisý oblysynda 2000 qatysýshy 19 ózen mańyn jáne Kóksý, Qora, Shaja, Byjy, Qarasý, Qaratal jaǵalaýyn tazartyp, 31 tonnadan astam qoqys shyǵardy.

Almaty oblysynyń jáne İle Alataýynyń injý-marjany – Esik kóliniń jaǵasynda tazalyq sharasy ótti. «Móldir bulaq» aptalyǵynyń alǵashqy kúni oblystyń barlyq aýdandarda marafon, konkýrs jáne fleshmobtar formatynda 50-den astam senbilik ótti. Aksıaǵa qatysýshylar Uzynqarǵaly, Talǵar, Qarqara, Sharyn, Qaskeleń, Úlken Almaty ózenderiniń jaǵalaýlaryn tazalady.

Atalmysh jumystar Qazaqstannyń basqa oblystarynda júrgizildi. Jalpy, «Taza Qazaqstan» aıasynda 8 sáýir men 11 mamyr aralyǵynda óńirlerde 6500-den astam is-shara ótti, oǵan shamamen 1,13 mln adam qatysty.

QR Mádenıet jáne aqparat mınıstrliginiń baspasóz qyzmeti