Jol kartasy  jáne  "HALYQPEN BİRGE!" baǵdarlamasy aıasynda Almaty oblysy erekshe qajettilikteri  bar adamdar úshin ınfraqurylymdy  jaqsartýǵa baǵyttalǵan jumystar júrgizilýde.  Bıyl  330 nysandy beıimdeý josparlanýda. Onyń 35-i boıynsha búginde jumystar oryndaldy.

Almaty oblysy ómir súrý sapasyn jaqsartýǵa jáne barlyq azamattar úshin teń múmkindikterdi qamtamasyz etýge baǵyttalǵan áleýmettik qorǵaý jáne qoldaý júıesin belsendi damytýdy jalǵastyrýda. Áleýmettik baǵdarlamalardy odan ári jetildirý jáne ınfraqurylymdy ártúrli áleýmettik toptarǵa beıimdeý qajettiligi áleýmettik máselelerge júıeli kózqarastyń mańyzdylyǵyn kórsetedi.

Mysaly, otbasynyń sıfrlyq kartasy arqyly Almaty oblysynda 90 kúnnen asa nesıelik bereshegi  bar 163 963 adamnyń bar ekeni belgili boldy.  Jyl basynda bankrottyqqa qujattardy ótkizý ıýoıynsha 856 ótinish berýshige túsindirý jumystary júrgizildi. "Qaryzsyz qoǵam" baǵdarlamasy boıynsha 604 adam, al "Bastaý bıznes" jobasy boıynsha 1959 adam oqý kýrsynan ótti. Oblysta 19 145 jańa jumys orny quryldy.

Almaty oblysynda barlyǵy 42 210 múmkindigi shekteýli adam  tirkelgen. Onyń ishinde 18 jasqa deıingi 6 662 múgedek bala bar. 12 435 adam ońaltýdyń tehnıkalyq quraldaryna, sanatorıı-kýrorttyq emdeýge, jeke kómekshiniń qyzmetterine jáne qımyl arqyly túsindirý tiliniń qyzmetterin alýda.

Stasıonar jaǵdaıynda ońaltý ortalyqtary belsendi jumys isteýde. Mysaly, 220 adamǵa arnalǵan jalpy úlgidegi qarttar men múgedekterge arnalǵan ortalyqta 110 adam qyzmet alady.  763 orynǵa arnalǵan 18 jastan asqan psıhonevrologıalyq aýrýlary bar eresekterge arnalǵan úsh ortalyqta  bar. Bul mekemede  641 adam  ońaltylýda. 110 oryndyq psıhonevrologıalyq aýrýlary bar múgedek balalarǵa arnalǵan balalar ortalyǵy 96 múgedek balaǵa qyzmet kórsetedi. 50 oryndyq turmystyq zorlyq-zombylyq qurbandaryna áleýmettik kómek ortalyǵy jumys isteıdi. Dál qazirgi ýaqytta  13 adamǵa qoldaý kórsetýde. Onyń ishinde úsheýi áıel, 10 bala bar. Ómirlik qıyn jaǵdaıdaǵy adamdarǵa arnalǵan áleýmettik beıimdeý ortalyǵy 38 adamǵa qyzmet kórsetedi.

Eńbekshiqazaq, Qarasaı, Talǵar, İle aýdandary men Qonaev qalasynyń "Januıa" ortalyqtarynda aqparattyq-resýrstyq qoldaý, quqyqtyq ádistemelik kómek, bazalyq trenıńter jáne psıhologıalyq kómek kórsetiledi.

Jumyspen qamtýdyń belsendi sharalarymen 9,5 myń adam qamtyldy. "Bastaý Bıznes" jobasy boıynsha  1,7 myń adam onlaın-oqýdan ótti. Kásiptik oqý boıynsha 226 adam bilim aldy.  4,6 myń adamǵa áleýmettik tólemder berildi. Jyl sońyna deıin 1008 adamdy jastar tájirıbesi arqyly jumysqa ornalastyrý  josparlanyp otyr.