Bul júıe mal soıatyn oryndarda jáne saýda nysandarynda veterınarıalyq-sanıtarıalyq saraptamadan ótkennen keıin saraptama aktisin berýdiń bıznes prosesterin avtomattandyrady. Sondaı-aq, janýardyń tolyq ómirlik sıkli týraly aqparaty bar QR kod engiziledi. Bul QR et satatyn oryndarda ornalastyrylady. Osylaısha maldy veterınarlyq tekserissiz jáne aǵzalardyń saraptamasynsyz soıýdyń aldyn alýǵa múmkindik beredi.

- Qazir bul joba iske qosylyp, oblystar men respýblıkalyq mańyzy bar qalalarda jumys istep jatyr. Oǵan mal soıatyn 1664 oryn, veterınarlyq-sanıtarlyq saraptama zerthanalary, saýda oryndary qosylǵan. Júıede 1470-ten asa veterınar, veterınarıalyq-sanıtarıalyq saraptama zerthanasynyń qyzmetkeri jáne memlekettik veterınarıalyq-sanıtarıalyq ınspektorlar tirkelgen, - dep jazylǵan habarlamada.

QR kod arqyly 117 myńnan asa veterınarıalyq anyqtama jáne 438 myń saraptama qorytyndysy shyǵarylǵan.

Júıe Reseı Federasıasymen shekaralas Sharbaqty veterınarlyq baqylaý pýnktinde synaqtan sátti ótken.