Almatyda qoǵamdyq kólikte jol júrý aqysy qymbattady. Almaty qalasy máslıhatynyń depýtattary megapolıste qoǵamdyq kólikte júrý aqysyn 120 teńge dep bekitti. Bul týraly qala ákimdigi málimdedi. 

"Kúndelikti kirister tasymaldaýshylardyń barlyq shyǵynyn óteı almaıdy. Nátıjesinde tehnıkany ýaqytyly jóndemeýge, qosalqy bólshekterdi satyp alýdaǵy kidirister, marshrýttardaǵy júıeliliktiń buzylýyna, júrgizýshi quramynyń ketýi men tasymaldaýshylardyń óz qarajatynan shyǵystardy jabýyna jáne salany damytý úshin múmkindikterdiń bolmaýyna ákelip soǵady", – delingen habarlamada.

Aıta ketteıik, Almatyda 2468 avtobýs pen troleıbýs shyǵaratyn 22 jeke jáne 1 komýnaldyq avtobýs parki jumys isteıdi. Olar táýligine 1,5 mıllıon jolaýshyny tasymaldaıdy.