Sondaı-aq mınıstrge osy arqyly bul jobanyń qaýipsiz ekenin kórsetýge ázirsiz be degen suraq joldandy. 

Mınıstrdiń aıtýynsha, AES salý onyń qurylysyn baqylaýǵa baılanysty uzaq merzimdi tekserýlermen qatar júredi.

"Qazirgi zamanǵy atom elektr stansıalary – barlyq qajet fızıkalyq, energetıkalyq, radıologıalyq quraldarmen jabdyqtalǵan. Sondaı-aq shyǵaryndylary az, úsh eselik baqylaý deńgeıi bar, belgili bir operasıalardy júrgizý tártibimen jabdyqtalǵan ekologıalyq taza nysan. Árıne, tıisti sheshimder shyǵarylsa ol jerge turaqty túrde baryp turýdy josparlap otyrmyn. Biz referendýmnyń túpkilikti nátıjelerin kútemiz jáne kásibı mindetterimizdi oryndaýǵa, usynylǵan sheshimge jaýapkershilikke negizdelgen elektr energıasynyń tapshylyǵyn jabýǵa tyrysamyz”, – dep jaýap berdi sheneýnik.

Aıta keteıik, Satqalıev ózine qoıylǵan suraqty yńǵaısyz dep tanydy.

"Jýrnalıser suraqty jaýabyn estý maqsatymen emes, jaı sabotaj jasaý úshin, áser qaldyrý nemese nazar aýdartý úshin qoıady. Menińshe, bul da yńǵaısyz suraq”, – dedi mınıstr. 

Aıta keteıik, memleket basshysy 2 qyrkúıekte Qazaqstan halqyna jasaǵan joldaýynda AES salý boıynsha referendým 6 qazanda ótetinin habarlaǵan edi. 

6 qazanda elimizde AES salý boıynsha referendým ótti. Alǵashqylardyń biri bolyp premer-mınıstr daýy berdi. Keıinnen memleket basshysy Qasym-Jomart Toqaev daýys berdi. Sosyn elimizdiń alǵashqy prezıdenti Nursultan Nazarbaev kelip daýys berip, qazaq halqyna baqyt tiledi.

Ortalyq referendým komısıasy árbir eki saǵat saıyn daýys berýshilerdiń qatysýy týraly oblystardyń, respýblıkalyq mańyzy bar qalalardyń, elordanyń aýmaqtyq komısıalarynyń deregin berip otyrdy.

Respýblıka boıynsha ýchaskelerde daýys berý saǵat 20:00-de aıaqtaldy.

Oblystardyń, respýblıkalyq mańyzy bar qalalardyń, elordanyń komısıalary usynǵan derekterge sáıkes, tizimge engizilgen azamattardyń 63,87%-y búleten aldy. Iaǵnı daýys berýi kerek bolǵan 12 244 683 adamnyń 7 820 918-i daýys berdi.