Premer-mınıstrdiń orynbasary – Ulttyq ekonomıka mınıstri Nurlan Baıbazarov zań jobasyn tanystyrdy.

- Zań jobasy Búdjet kodeksiniń erejeleri negizinde ázirlendi. Bul rette kepildendirilgen transferttiń mólsheri búdjettiń qaǵıdalaryna sáıkes anyqtalǵan. Zań jobasynda munaıdyń kesimdi baǵasy 2025 jyly barreline 42,3 AQSH dollary, 2026-2027 jyldary barreline 41 jáne 39,4 AQSH dollary negizinde belgilengen. Osyny eskere otyryp Ulttyq qordan kepildendirilgen transferttiń mólsheri 2025-2027 jyldarǵa jyl saıyn 2 trln teńge kóleminde aıqyndaldy, - dedi Úkimet múshesi.

Baıbazarov josparly kezeńde Ulttyq qordyń taza valútalyq aktıvteri boljam boıynsha, 2025 jyly 62,2 mlrd AQSH dollary, 2026-2027 jyldary 69,9 jáne 78,7 AQSH dollary bolatynyn atap ótti.

Onyń sózinshe, zań jobasyn qabyldaý respýblıkalyq búdjettiń teńgerimdigin qamtamasyz etýge múmkindik beredi.

Zańdy talqylap bolǵannan keıin 90 depýtat zańdy qabyldaýǵa oń daýys berdi, 1 depýtat qarsy, 2 depýtat qalys qaldy.