Eskertkishtiń ashylý rásimi Zamanbek Nurqadilov atyndaǵy óner mektebiniń alańynda uıymdastyryldy. İs-sharaǵa memleket jáne qoǵam qaıratkerleri, aqyn-jazýshylar, tanymal tulǵalar men qaıratkerdiń otbasy músheleri qatysty. Eskertkishtiń ashylýyn oblys ákiminiń orynbasary Nurjan Qudaıbergenov, qoǵam qaıratkerleri Toqqoja Estenov pen Bolat Nurǵazıev ashyp, Zamanbek Nurqadilovtiń uly Qaırat Nurqadilov bústiń ashylý rásimin oryndady.

Oblys ákiminiń orynbasary Nurjan Qudaıbergenov qaıratkerdiń el damýyna zor úles qosqanyn aıta otyryp, onyń eńbeginiń ult tarıhynda máńgi saqtalatynyn jetkizdi:

- Bul eskertkish – halqymyzdyń qaıratkerge degen shynaıy qurmetiniń belgisi. Ult janashyry retinde Zamanbek Nurqadilov el egemendiginiń nyǵaıýyna eleýli úles qosty. Osyndaı tulǵalardyń eńbegin urpaqqa mura etý – bizdiń ortaq paryzymyz. Sondaı-aq bıiktigi 4,5 metr bolatyn bul týyndynyń avtorlary Aıdos Búrkitbaev pen Tımýr Nurmuhametovke alǵysymyzdy bildiremiz».

Saltanatty rásimnen soń jıynǵa kelgen qonaqtarǵa Zamanbek Nurqadilovtiń ómiri men qyzmeti týraly «Ne tolko o sebe» atty kitaptyń 300 danasy taratyldy.