"Mańǵystaýmunaıgaz" aksıonerlik qoǵamynda aksıonerlerdiń kelisimi boıynsha rotasıa úsh jyl saıyn júrgizilip otyrady. 

“2024 jyly 2 jeltoqsanda kezek negizinde "Mańǵystaýmunaıgaz" AQ dırektorlar keńesiniń sheshimimen Ven Szászún MMG bas dırektory bolyp taǵaıyndaldy”, – delingen habarlamada.

Szászún 1978 jyly 19 qyrkúıekte Qytaıda dúnıege kelgen. Geologıa jáne paıdaly qazbalardy barlaý salasynda tehnıka jáne tehnologıa magıstri dárejesin alyp, I.M.Gýbkın atyndaǵy Reseı memlekettik munaı jáne gaz ýnıversıtetin bitirgen.

Onyń eńbek joly 2005 jyly CNDOC kompanıasynda bastaldy. 2005-2024 jyldar aralyǵynda "SNPS – Aı Dan Munaı" AQ-da jetekshi sýpervaızerden kompanıanyń prezıdenti qyzmetine aýysty. 2024 jyldyń mamyr aıynan jeltoqsan aıyna deıin "Mańǵystaýmunaıgaz" AQ bas dırektorynyń birinshi orynbasary qyzmetin atqardy.

Sondaı-aq kompanıa málimetinshe, Bolat Seıitmaǵanbetov "Mańǵystaýmunaıgaz" AQ bas dırektorynyń birinshi orynbasary bolyp taǵaıyndaldy.

Bolat Seıitmaǵanbetov 1971 jyly 12 aqpanda Mańǵystaý oblysynda dúnıege kelgen. Ol 1993 jyly eńbek jolyn "Qalamqasmunaıgaz" kásipornynda operatorlyq qyzmetten bastap, qyzmette seh pen óndiristik bólimsheniń basshysyna deıin kóterildi. 2022 jyldyń aqpanynan 2024 jyldyń jeltoqsanyna deıin "Mańǵystaýmunaıgaz" AQ "Jetibaımunaıgaz" óndiristik basqarmasynyń bastyǵy qyzmetin atqardy.