Kelesi jyldyń qańtar aıynda balalardyń esepshottaryna 2024 jylmen salystyrǵanda kóbirek soma túsedi. Moldabekovanyń aıtýynsha, 2025 jyly ár balaǵa bhlinetin ortasha tólem mólsheri shamamen 128 dollarǵa (qazirgi kýrspen 66 304 teńge) teń. Bul 2024 jylmen salystyrǵanda 28 dollarǵa artyq. Ósim ulttyq qordyń ınvestısıalyq tabysynyń jaqsy nátıjelerimen túsindiriledi. On aıda Ulttyq qordyń ınvestısıalyq tabysy 5,3 mıllıard dollar boldy.

Ulttyq bank tóraǵasy Tımýr Súleımenovtiń aıtýynsha, osy somanyń jartysy balalarǵa arnalǵan tólemderge jumsalady. Osylaısha, keıingi jyldardaǵy jaqsy ınvestısıalyq nátıjelerdiń arqasynda tólem somasy artady.

Ulttyq banktiń málimetinshe, tólemder Ulttyq qordyń aktıvteriniń sońǵy 18 jyldaǵy ortasha jyldyq tabysynyń 50%-y men qordyń taza valútalyq aktıvteriniń naryqtyq qunyna kóbeıtilgen kórsetkish negizinde esepteledi. 2024 jyly Ulttyq qordyń valútalyq aktıvteri shamamen 60 mıllıard dollarǵa jetti. Al keıingi 18 jyldaǵy ortasha jyldyq tabys 3%-ǵa teń. Sóıtip, kelesi jyly shamamen 7 mıllıon bala óz tólemderin alady. Bul 900 mıllıon dollarǵa shamalas.

Aıta keteıik, bıyl 1 qańtardan bastap Qazaqstannyń barlyq kámeletke tolmaǵan azamattaryna jyl saıyn Ulttyq qordyń ınvestısıalyq tabysynyń 50%-y esepteledi.

Aýdarymdardy bylaı tekserýge bolady:

• zańdy ókilder úshin jeke kabınette "Elektrondy úkimet" veb-portaly arqyly www.egov.kz;
• BZJQ ınternet-resýrsynda baqylaýǵa múmkindik bar.