Buǵan kompanıalardyń jeltoqsan aıynan bastap tarıftik paketterdiń qymbattaıtyny týraly abonentterge eskertýi sebep boldy. Agenttik jyl ishindegi baǵa dınamıkasyna taldaý júrgizip, quqyqtyq baǵasyn beretinin málimdedi. Qazir úsh kompanıaǵa qatysty tergeý ótken jyldyń baǵa tekserisinen keıin júrgizilip jatyr. Olar Ksell" AQ, "Mobaıl Telekom-Servıs" JSHS (Tele2/Altel) jáne "KaR-Tel".

JSHS (Beeline) operatorlaryna qatysty Kásipkerlik kodekstiń 170-baby (Naryq sýbektileriniń básekelestikke qarsy kelisilgen áreketteri) boıynsha tarıfterdiń kelisilgen túrde kóterilýine qatysty tergep-tekserýlerdi bastaǵany aıtyldy.

"Sonymen qatar uıaly baılanys operatorlarynyń tarıftik josparlarda bir mınýttyq qońyraý qunynyń 18 teńge mólsherinde birdeı baǵasyn belgileý áreketterinde quqyq buzýshylyq belgileri anyqtalǵanyna baılanysty, operatorlarǵa osy belgilerdi joıý týraly habarlamalar jiberildi. Habarlamalarda baǵany negizdelgen túrde tómendetý qajettigi kórsetilgen. Uıaly baılanys operatorlary qabyldanǵan sharalarǵa qatysty sot organdaryna shaǵym túsirdi. Osyǵan baılanysty tergeý isteri tıisti sot sheshimderi qabyldanǵanǵa deıin toqtatyldy", – delingen habarlamada.

2024 jylǵy 19 qarashada elordadaǵy agenttiktiń departamenti "KaR-Tel" JSHS-ǵa qatysty úı ınternetiniń jyldamdyǵyn tarıftik paketterde tańdaýǵa tutynýshylardy shekteý arqyly ústem jaǵdaıdy teris paıdalaný belgilerin joıý týraly habarlama shyǵarǵan. Sonymen qatar "Qazaqtelekom" AQ-ǵa qatysty osyndaı zańbuzýshylyq belgileri boıynsha tergep-tekserý bastaldy.

"2024 jyly baǵanyń ósý derekteri boıynsha Agenttik aǵymdaǵy kezeńdegi baǵa dınamıkasyna taldaý júrgizedi. Onyń nátıjeleri boıynsha zańnamada belgilengen tártippen quqyqtyq shara qoldanylady", – delingen habarlamada.

2024 jylǵy jeltoqsannan bastap tarıfterdiń kóterilýi týraly operatorlardyń BAQ-ta jarıalanymdaryna baılanysty agenttik uıaly baılanys operatorlaryna básekelestikti qorǵaý salasyndaǵy zańdy buzýǵa jol bermeý týraly eskertý jasady.