Feısbýk áleýmettik jelisinde tarıhshy, jýrnalıs Erbolat Qoshqarbaev Elbasy men «NurOtannyń» atyna hat jazdy. Hatta «Ashynyp otyryp jazǵandyqtan postyda emosıonaldyq, pafosty tustar men sýbektıvti oılarym bar ekenin eskerte keteıin» delingen. Jazbanyń negizgi mazmuny kezekti Parlament saılaýyna «NurOtan» partıasynan usynylǵan kandıdattarǵa arnalǵan.
«Qamshy» - erkin aqparat alańy. Erbolat myrzanyń jazbasyn oqyrman nazaryna usynyp kórýdi jón kórdik. Oı bólisip, pikir almasý Sizdiń enshińizde, Asa mártebeli oqyrman!
Qazaqstan Repýblıkasy Prezıdenti Nursultan Ábishuly Nazarbaevtyń nazaryna!
«Nur Otan» partıasynyń nazaryna!
Bısmıllahır rahmanır rahım!
Bul postyny Feısbýktiń tıimdi pikir alańy ekenin aıtqandyqtan Elbasynyń nazaryna jetedi degen oımen halyq múshesi retinde jazyp otyrmyn. Onyń ústine posty Elbasymyz qurǵan Nur Otan partıasy usynǵan kandıdattar tizimin oqyǵan soń týyndap otyr. Ashynyp otyryp jazǵandyqtan postyda emosıonaldyq, pafosty tustar men sýbektıvti oılarym bar ekenin eskerte keteıin.
Eshqandaı da sózim joq! Budan ótken saıası teksizdik bolmaıtyn shyǵar! Jaǵamdy ustadym, qan qysymym kóterilip, bul saıasat degenniń «saıqaldyǵyna» taǵy bir márte kózimdi jetkizip otyrmyn! Ádilet ornaǵan mekenge ketip-aq qalaıyn desem, qazaqpyn óz elimde, óz jerimde júrgen...
Saıasattyń osylaı iz salýyna nemketti qarap otyrǵan bul halyq degenińniń, eshqandaı da HALYQ EMES qoıdaı ıirilgen, zarlaǵan, sorlaǵan, beıshara, baıqus, dármensiz de pármensiz QARA TOBYRDAN BASQA ESHTEME EMES ekenine de kózim túpkilikti jetti.
Jel olaı soqsa olaı, bulaı soqsa bulaı qoǵadaı japyrylatyn, balasha aldanyp óz zańdy talabyn qoıa almaıtyn nadan halyq - halyq pa ózi! Bul saıası-quqyqtyq saýattan jurdaı qara tobyr emegende nemene?! Bıliktegini ózi saılap alyp, erteńgi kúni onysyn depýtat emes jepýtat, qara basynyń qamyn kúıttegen jemqorlar, qolshoqpar, maýbastar, biliksizder dep sarnaǵany ne kerek óziniń attaı qalaǵany solar bolsa...
«Nur Otan» partıasynan usynylyp otyrǵan 127 kandıdattyń tizimin qarap shyǵyp, qysqasha saraptama jasadym. Sonymen bir mezgilde tereń oıǵa shomdym. Konstıtýsıalyq zań boıynsha biz eshqandaı da «depýtatty» emes, «partıany» ǵana saılaımyz. Al bıdaı arqasynda bıdaıyq sý ishetini sekildi, bedeli zor partıa arqasynda kandıdattar da depýtattyqqa ilinedi. Halyq qalaǵan adamyn saılaı almaıdy. Mundaı mehanızm bizdiń zańnamada áli jetildirilmegen. Jaqsy, qalaǵan «depýtatty» saılaı almaımyz delik. Biraq eń bolmaǵanda qalaǵan parıa ishindegi «tizimde» kimder turatynyna múddeli bolý kerek emes pe halyq! Kimdi saılamaqpyz biz. Biz óz tańdaýymyzdy nege jasaı almaımyz! Aldyńǵy kúni, 29-shy qańtar kúni «tars» etkizip, mine dep «Nur Otan» partıasy saılaý naýqanyna túsetin májiliske kandıdattardyń tolyq tizimin usyna saldy. Bul qaıdan kelgen, kim jasaǵan, qalaı jasalǵan tizim ol jaǵy tutastaı halyqqa jumbaq. Mine, osy jerden shyǵyp otyr másele. Aqyry, partıany ǵana saılap, depýtattardy saılaı almaıdy ekenbiz, onda eń bolmaǵanda sol partıanyń «TİZİMİN» jasaýǵa degen qarapaıym adamı múmkindigimiz bolýy kerek emes pe bizdiń. Saılaýy qurysyn, partıanyń «tizimin» jasaý mańyzdy degen baıym shyǵady ǵoı bul jerden. Shynynda da solaı, saılaý emes tizimdegi tulǵalar emes pe mańyzdysy. Bul jerden anyq «JARIALYQ» prınsıpiniń joq ekenin kóremiz. Netken jabyq partıa ol eń mańyzdy máseleni halyq talqysyna salmaıtyn. Nege arnaıy ýaqyt belgilep, usynystar qabyldap, elep-ekshep sheshpeıdi máseleni. Saılaý erkimiz, tańdaý erkimiz iske aspaǵandyqtan SAILAÝ QUQYǴYMYZ buzylyp tur emes pe! Saılaý quqyǵyn aıta otyryp, saılaNý quqyǵyn nege aıtpasqa. Al saılaný quqyǵymyz týraly áńgime qozaǵaýdyń ózi artyq. Mundaı múmkindik buıyrmaǵan dep aıtpasam da, onyń joqqa tán ekendigin senimmen aıta alamyn. Baýyrym bireýdi saılaýda neń bar, nege óziń depýtat bolmaısyń? Al men nege depýtat bola almaımyn? Bul suraqtyń jaýabyn myńǵyrǵan zań aktilerin on aınaldyra qarasańyz da taba almaısyz. Burynǵydaı emes, dál qazir depýtat bolýǵa qoǵamǵa sińgen eńbegiń, halyqqa jasaǵan isiń, bilimiń, el dep soqqan júrgiń kerek dep eshkaısymyz aıtpaıtyn boldyq. Ne vysovyvaısá, eńbegiń elenbeı qalmaıdy, áıteýir birde halyq ózi usynady degen pikirler de bolyp qalatyn shyǵar. Buǵan jaýap: Atasynyń taq basy! Myna túrimen halyq bireýdi usynbaq túgili, myna daǵdarysta janyn baǵyp alsynshy. Sóıtip bireýmiz: ol úshin tamyr kerek, tanki kerek, tanys kerek, shans kerek, ekinshimiz: kóke kerek, táte kerek, Qaırattyń mamasyndaı mama kerek, dańq kerek, jer jarǵan ataq kerek, aqsha kerek basqa kerek deımiz. Mine, ókinishke oraı osy sońǵy aıtylǵan oı búgingi kúnniń shyndyǵy bolyp otyr. Mine osylaı depýtat bola almaımyn nemese bola almaımyz! Mysaly, men depýtat bolý úshin burynǵy tártiptegideı óz ózimdi usyna almaımyn. Ondaı mehanızm myna júıede joq. Al tizimge ený úshin, «Nur Otan» partıasynyń múshesi bolýym kerek. Al men esh partıanyń múshesi emespin. Múshesi bolsam da, meni bireý tizimge engize qoıar deımisiń, onsyz da oılanyp úlgergenimshe, synaptaı jyldamdyqpen jumbaq kúıde partıa tizimdi jarıalap kep jibergende. Suraqtar men saýaldar ishimde jatyp ólip ketti osylaı. Maǵan qaraǵanda, qazaqqa qaraǵanda barlyq basqa ózge ulttar baqytty shyǵar. Erekshe tártipte Assambleıa atynan depýtat bola salatyn. Mine, joǵaryda aıtqanymdaı bul dodada jarıalyq prınsıpi ǵana emes, saılaý quqyǵy da, sonymen qatar SAILANÝ quqyǵy da buzylyp tur. Esh úmit joq! Bile de almaımyn, saılana da almaımyn, tizim kóńilden shyqpasa saınanbaq túgili durystap saılaı da almaımyn. Eń bolmaǵanda tizim jaıynda týǵan oı-pikirimdi aıtýǵa haqym bar shyǵar. Álde bul elde buny talqylaýǵa da bolmaı ma?! Endi biz kimderdi depýtat retinde kórmekpiz, tizimdegiler kimder ekenine keleıik.
Kandıdattardyń ONSHAQTYSY eń úlken bastyqtar, Prezıdent Ákimshiliginiń , onyń jalpy bóliminiń bastyqtary, Premer-Mınıstr orynbasary, Premer-Mınıstr Keńsesiniń bastyǵy, Memlekettik hatshy , EKSPOnyń bastyǵy sekildi iri fıgýralar. Árıne bul jerde D.Nazarbaeva, N.Nyǵmatýllın, A.Esimovtersiz is bitpeıdi ǵoı! Hosh, bul kisilerdiń úlken tájirıbeleri bar delik. Bul jerde eki-úsh adamǵa ǵana úmit artýǵa bolady, qalǵany tyndyryp jebergish bolsa ótken kezeńderde ne qarap júrdi?
Qalǵan ONSHAQTY kandıdat máslıhat hatshylary, mınıstrler men vıse-mınıstrlerden quralypty. Endi máslıhat hatshylarynyń jergilikti «Parlamentte» jınaǵan tájirıbesi bar, al Albert Raý, Arystanbek Muhamedıuly, Baqyt Sultanov sekildi fıgýralar «basqarý» mektebinen ótken dep paıymdasaq bularǵa depýtattyq joly aıqara ashyq turǵany shyndyq. Bular halyq seniminen ildáldalap bolsa da shyǵýy múmkin.
Qalǵan ON BES kandıdat ákimi bar, orynbasary men apparat basshysy, basqarma bastyǵy men kómekshisi bar taza «ákimder» korpýsynan quralypty. Belgisiz de beımálim akımattyqtar ishinen Danıal Ahmetov, Amandyq Batalov, Berdibek Saparbaevtar naǵyz halyq múddesin qozǵaı alatyndar dep senimmen aıtar edim. Qalǵan akımattyqtar múldem senimdi aqtamaıdy deýge bolmaıdy. Keıbir zańnyń ıisi murnynyń ushyna barmaıtyn kandıdattarǵa qaraǵanda olar táýir deýge turarlyq.
Qalǵan ON EKİ kandıdat tutastaı «Nur Otan» partıasynyń ókilderi, músheleri, partıa fraksıasynyń Májilistegi apparatynyń jetekshisi, partıanyń aýmaqtyq fılıaldary tóraǵalarynyń orynbasarlary. Árıne bulardyń «tizimge» ený múmkindikteri zor ǵoı. Qazanshynyń óz erki, qaıdan qulaq shyǵarsa! Jaraıdy, Zaýresh Amanjolova ysylǵan tulǵa delik, biraq qalǵandary ne tyndyrady parlamentke kelgende?
Qalǵan TÓRT kandıdat ýnıversıtet rektorynan turady eken. Pedagogtar, ustazdar qaýymy, ǵalymdar arasyndaǵy balansty saqtaý degen osy ma eken? Nege rektor, nege rektorlar? Nege rektor bolmasa da ǵylymnyń sara jolyndaǵy halyqqa eńbegi sińgen profesorlar, dosentter emes! Nege ǵylymı jańalyq ashqan, nege jańalyǵyna «patenti» bar ınovasıany engizgen ǵalymdar emes! Nege oqytýshylar emes! Al mıllıondaǵan bala oqytyp júrgen bilim berý mekemeleri ustazdary she? Eń bolmaǵanda «qudaıyǵa» jalǵyz tal bolsa da qarapaıym MEKTEP muǵalimin tizimge engizbeý neni meńzeıdi?! Ustazyn syılamaıtyn el, el ma ózi... Ár birden keıin, basqalar emes osy muǵalimder emes pe kóshe aralap saılaýǵa shaqyratyn.
Qalǵan ONSHAQTY kandıdat telejuldyzdar, ártister, ánshiler men sportshylardan turady eken. Jaraıdy, Maııa Veronskaıa kópshilikke úlgi bola alady. Qazaqsha kósilip zań jobasyn talqylap turǵany jarasarlyq. Nurlan Álimjanov endi Elbasynyń rólin somdaǵan soń nege depýtat bolmasqa, meıli bolsyn. Basynda Ronald Reıgan da akterlikten bastap keıin prezıdent bolyp biraq shyqty emes pe! Al myna aýyratlet Ilá Ilınge, bokserlar Gena Golovkın men Serik Sapıevke ne joq! Ne joǵaltty olar Parlamentte. Ne jetpeıdi olarǵa! Árıne, quqyǵy bar ǵoı. Biraq, shıryǵyp júrgen olar parlamenttiń bes-alty otyrysynan keıin-aq qýaryp, bıseps, trıseps, deltalary solyp qýdaı bolyp shyǵa kelmeı me! Halyqqa olardyń galstýkpen qylqynyp otyrǵany kerek pe! Maǵan olardyń parlamentte otyrǵany bir tıynǵa da keregi joq mysaly. Jattyǵýdy kim jasaıdy sonda, Halyqaralyq dodalarǵa kim daıyndalady sonda. Álde olardyń kúni bitip, úlken sporttan hosh aıtysqany osy ma. Joq óıtip qorqytpańdar. Maǵan da halyqqa da olardyń depýtat bolyp otyrǵanynan da Chempıonattar men Olımpıada kók baıraǵymyzdy jelbiretip júrgenderi qymbat. Olarǵa áli erte. Kezi keledi. Anaý Olga Shıshıgına da qazirge deıin depýtat bolyp keldi emes pe. Solaı Olga sekildi keıinirek kelgenderi durys. Sportty nege jutatyp, toqyratýymyz kerek. Sportshy kerek bolsa bulardan da kemel jasqa kelgen jattyqtyrýshylar, sporttaǵy úlesi basym tóreshiler, dene shynyqtyrý pániniń eńbegi sińgen oqý isiniń úzdikteri laıyq emes pe! Baıaǵyda Farıza Ońǵarsynova, Qudaıbergen Sultanbaev, Nurlan Ónerbaevtar depýtat boldy. Solardyń tyndyryp jibergen isterin aıtyńdarshy maǵan. Ne istedi olar! Olar ózderin ózderi joǵaltyp aldy! Ánshilerden Bekbolat Tileýhanov ta júrdi, kórdi parlamentti. Aıman Musahodjaeva da boldy jáne qazirgi tizimde taǵy bar ánshi atynan da, rektorlyq laýazym atynan da. Al myna janar Duǵalova men Qaırat Nurtasqa ne jetpeıdi! Ataq ta bar, baılyq ta bar olarda. Konsert zalyndaǵy sahnany, saıasat sahanasymen shatystyryp alǵan joq pa olar. Ánderin aıtyp júre bermeı me onan da. Bul ne masqara! Parlament ábden oıynshyq bolǵany ma ataq pe dańqtan «mas bolyp» basy aınalǵan juldyzdar kele beretin. Solar tipti ınkorporasıa, kodıfıkasıa, servıtýt, kondomınıým sekildi zań sózderin bile me eken!
Qalǵan OTYZ ÚSH kandıdatty tipti aıtpaı-aq qoısam ba... Olar túgelimen de ótken aıdaǵy depýtattar! Qaıtyp kelgen qyz jaman deımiz ba, álde qaıtqan malda bereke bar deımiz be! Ketemin dep ketti, ózderin ózderi taratyp aldy. Al endi neǵyp qaıta kelip tur bular? Bul tipti logıkaǵa da, qısynǵa da kelmeıdi ǵoı. Óz aıtqanyn oryndaý kerek emes pe...Ajyrasamyn dep sotqa aryz berip alyp, raıynan qaıtyp aryzdy keri alǵan jaǵdaı sekildi ǵoı bul. Bul depýtattardan, ıaǵnı «kandıdattardan» ne úmit kúte alamyz endi. Olar kim deseńiz mine mynalar. Tizimderin ádeıi oryssha jazaıyn:
1. Maıra Aısına - depýtat V sozyva Majılısa parlamenta RK
2. Irına Aronova - depýtat V sozyva Majılısa parlamenta RK
3. Nýrlan Abdırov - depýtat V sozyva Majılısa parlamenta RK
4. Maýlen Ashımbaev - depýtat V sozyva Majılısa parlamenta RK
5. Askar Bazarbaev - depýtat V sozyva Majılısa parlamenta RK
6. Zagıpa Balıeva - depýtat V sozyva Majılısa parlamenta RK
7. Ersýltan Bektýrganov - depýtat V sozyva Majılısa parlamenta RK
8. Svetlana Bychkova - depýtat V sozyva Majılısa parlamenta RK
9. Jeksenbaı Dýısebaev - depýtat V sozyva Majılısa parlamenta RK
10. Sergeı Dáchenko - depýtat V sozyva Majılısa parlamenta RK
11. Ertaev Bahytjan - depýtat V sozyva Majılısa parlamenta RK
12. Kojahan Jabagıev - depýtat V sozyva Majılısa parlamenta RK
13. Kabıbýlla Djakýpov - depýtat V sozyva Majılısa parlamenta RK
14. Janat Jarasov - depýtat V sozyva Majılısa parlamenta RK
15. Gýlnar Iksanova - depýtat V sozyva Majılısa parlamenta RK
16. Gýlnara Isımbaeva - depýtat V sozyva Majılısa parlamenta RK
17. Kýralaı Karaken - depýtat V sozyva Majılısa parlamenta RK
18. Gýljana Karagýsova - depýtat V sozyva Majılısa parlamenta RK
19. Arman Kojahmetov - depýtat V sozyva Majılısa parlamenta RK
20. Aıgýl Nýrkına - depýtat V sozyva Majılısa parlamenta RK
21. Omarhan Oksıkbaev - depýtat V sozyva Majılısa parlamenta RK
22. Shavhat Otemısov - depýtat V sozyva Majılısa parlamenta RK
23. Meıram Pshembaev - depýtat V sozyva Majılısa parlamenta RK
24. Nýrtaı Sabılánov - depýtat V sozyva Majılısa parlamenta RK
25. Serık Seıdýmanov - depýtat V sozyva Majılısa parlamenta RK
26. Smagýl Bahytbek - depýtat V sozyva Majılısa parlamenta RK
27. Kýanysh Sýltanov - depýtat V sozyva Majılısa parlamenta RK
28. Abaı Tasbýlatov - depýtat V sozyva Majılısa parlamenta RK
29. Mýhtar Tınıkeev - depýtat V sozyva Majılısa parlamenta RK
30. Serık Ýmbetov - depýtat V sozyva Majılısa parlamenta RK
31. Olga Shıshıgına - depýtat V sozyva Majılısa parlamenta RK
32. Gleb Shegelskıı - depýtat V sozyva Majılısa parlamenta RK
33. Tatána Iakovleva - depýtat V sozyva Majılısa parlamenta RK
Á meıli, qalǵan kandıdattar da jetedi, olardyń ózi biraz paıyz quraıdy halyqtyń arasynan shyqqan dep oılaıtyn shyǵarsyz. Onda, qatelesesiz!
Óıtkeni, bul kandıdattardyń QYRYQQA JÝYǴY óńkeı yǵaılar men syǵaılar, quryltaıshylar, dırektorlar, tehnıkalyq dırektorlar, atqarýshy dırektorlar, iri uıymdardyń prezıdentteri, vıse-prezıdentteri, bastyqtary, jetekshileri, meńgerýshileri, tóraǵalary, olardyń ózge de «zamdary» men quryǵanynyń ózi bólim bastyqtary eken. Osyndaı náshándik-starshyndar arasynda yrymǵa jalǵyz ǵana mehanık pen bir mashınıstiń kómekshisin kirgizipti. Onda da ol qarapaıym mehanık emes aty dardaı «Eýrazıalyq energetıkalyq korporasıa» AQ mehanıgi. Osylardyń arasynda sýyqqa tońyp, ala sómke arqalaı júrip jeter bıigine jetken «bastyq» ne elge motıvasıa berip tájirıbesimen bóliserdeı naǵyz «kásipker» bolsa qane..., Otandyq brend qalyptastyryp qazaqstandyq ekonomıkany aıaǵynan tik turǵyzardaı eńbegi sińgen tulǵa bolsa, qane ... Oqý isine eńbegi sińgen qarapaıym muǵalim qaıda, oqytýshy qaıda, aq halatty dáriger qaıda, qurylysshy qaıda, elektrık, satýshy, saýynshy, slesar, santehnıkti aıtpaı aq qoıaıyn ǵalym qaıda ǵalym! Shynaıy ekonomıka mamany qaıda, memlekettiń qyr syryn tereńnen oılaıtyn fılosof qaıda, qoǵamnyń ne ekenin biletin áleýmettanýshy sosıolog qaıda, saıasattanýshy polıtologtar qaıda, ult múddesin kózdeıtin qoǵam qaıratkerleri qaıda, eldiń qalyptasýy men ótkenin áriden biletin tarıhshy qaıda, óz tórinen ózi aırylǵandaı bolǵan zańgerler qaıda. Qaıda zańgerler!
Mine, osy kórsetilgender negizinde mynadaı usynystarymdy bildirgim keledi:
1. Partıalyq tizimge ený ashyq, jarıaly túrde júrgizilýi kerek;
2. Partıalyq tizimge ený múmkindigi halyqqa tanys ári qoljetimdi bolýy qajet;
3. Partıalyq tizimdi jasaýǵa, ózgertýge, tolyqtyrýǵa, talqylaýǵa tek partıanyń emes, jalpy halyqtyń qatysý múmkindigi qamtamasyz etilýi kerek. Óıtkeni «NurOtan» kúlli halyqtyń partıasy.
4. Partıalyq tizim jasalýda barlyq toptyq múddeleri eskerilip, shynaıy teńgerim bolýy kerek.
5. Májilistiń 98 depýtaty qazaq ultynan bolýy kerek. Sebebi, Assambleıa atynan mandatqa ıe bolatyn 9 depýtat esebinen basqa ulttardyń múddesi kózdelip otyr.
6. Al eger 98 depýtattyń tek qazaq ultynan quralý múmkindigi bolmaı, bul jerde de ózge ulttar saılanatyn bolsa, onda 1) Assambleıa ınstıtýty Konstıtýsıalyq zańnamadan alynyp tastalýy kerek nemese 2) Assambleıa Qazaqstan halyqtary asambleıasy bolǵandyqtan 9 depýtat arasynan qazaq ulty ókiliniń de mandatqa ıe bolý múmkindigi qarastyrylýy kerek.
7. Kásibı Parlament qurý jolynda depýtattardyń 40 paıyzy zańgerlerden, 10 paıyzy ekonomıserden, 10 paıyzy saıasattanýshylardan, 10 paıyzy áleýmettanýshylardan, 10 paıyzy tarıhshylar, fılosoftar, jýrnalıserden , qalǵan paıyzy ózge toptardan qurý jaıy eskerilgeni jón.
8. Partıalyq tizimniń ekinshi bir balama tizimin jasaý tájirıbesin qoldanǵan jón. Sonda osy posty týyndap otyrǵandaı máseleler týyndamaı halyq bir partıanyń eki tiziminiń qalaǵanyna daýys berer edi.
Bul kórsetip otyrǵan usynystarymnyń barlyǵy eshqandaı da Konstıtýsıany ózgertýdi talap etpeıdi. Olar saılaýdy uıymdastyrýdyń aǵymdaǵy tártipterine ǵana, tek «jarǵylyq» deńgeıde qatysty. Ábden kúızelgen halyq sizge úlken senim artyp otyr. Tizimdi obektıvti qarastyrý bizge qoljetimsiz bolsa, sizdiń qolyńyzda ǵoı. Men eshqandaı opozısıa múshesi emespin jáne bul postym arqyly eshqandaı da halyqty saılaýǵa qatysýdan bas tartýǵa shaqyryp turǵan joqpyn. Men bar bolǵany plúralızm qaǵıdasyna sáıkes óz pikirmdi bildirip, partıalyq tizimdegi kandıdattarǵa baılanysty usynystarymdy ǵana aıtyp otyrmyn.
Partıa jetekshisi retinde Sizden partıalyq tizimdegi kandıdattardy naqtylap, laıyqsyz tulǵalardy alyp tastap, irikteý kezinde avtordyń saılaný múmkindigi bar-joqtyǵyn qarastyra otyryp osy postyda kórsetilgen usynys-tilekterimdi eskerýińizdi suraımyn.
Aınalańyzdaǵy, partıańyzdaǵy jaǵympazdar men jaramsaqtar kóshti adastyryp, elimizdi jarǵa jyǵyp, daǵdarysqa ushyratty. Sol jaǵympazdardyń siz qalamasańyz da, eriksiz sizdi avtorıtarlyq tulǵaǵa aınaldyrý qaýpi basym!
Ondaı aldyńyzda bas shulǵap, bylaı shyǵyp óz múddesin kúıtteıtin jaǵympazdardan arylyp shynaıy bilikti, qaımyqpaı týra aıta alatyn, qolynan is keletin kreatıvti sýbektilerden myqty korpýs quraıtyn mezgil jetti Elbasy! Árqashan halyq jolyndaǵy qyzmetke ázirmin!
Erbolat Qoshqarbaev
31.01.2016
