Adamnyń boıy túrli sozylmaly aýrýlardyń  damýyna onyń qanshalyqty beıimdiligin anyqtaıdy. Muny Potsdamda nemis Institute of Human Nutrition zertteýshileri anyqtady. Uzyn boıly adamdar obyrǵa jıi shaldyqsa, kerisinshe olarda sýsamyr, júrek-qan tamyrlary aýrýlary sırek kezdesedi eken. Bul týraly QazAqparat habarlady.

Garvard densaýlyq saqtaý mektebindegi áriptesterimen birlesip jasaǵan  nemis ǵalymdarynyń zertteýi adamdardyń boıynyń uzyndyǵy dene salmaǵy men basqa da táýekel faktorlarynan tys keıbir jıi taralatyn aýrýlardan bolatyn ólim-jitimge yqpal etetinin  dáleldedi.

Epıdemıologıalyq derekter ortasha boı 6,5 santımetrge ulǵaıǵan kezde júrek-qan tamyrlary aýrýynan oryn alatyn ólim-jitim 6 paıyzǵa tómendeıtinin kórsetedi. Avtorlardyń aıtýynsha, boıdyń ósýi joǵary kalorıaly, aqýyzǵa baı  taǵamdy kóp tutynýdan bolady.

Bul densaýlyq baǵdarlamasy ananyń qursaǵynda bolǵanda, jasalyp qoıady. Adamnyń boıynyń ósýi 1 jáne 2 ınsýlın sıaqty faktorlarmen qamtamasyz etiletinin atap ótemiz. Onyń júıesin belsendirý aǵzanyń ınsýlınge sezimtaldyǵyn arttyrady. Al baýyrda maı az jınalady. Boıy uzyn adamdarda júrek-qan tamyrlary men sýsamyr aýrýlarynyń táýekeli tómen bolatyny osydan.

Zertteý avtorlary dárigerlerge osyny nazarda ustaýǵa shaqyrady, - dep jazady sheteldik BAQ.