الماتى قالاسىن كوگالداندىرۋدىڭ تۇجىرىمداماسىنا ۇسىنىستاردى قابىلداۋ 31 قازانعا دەيىن ۇزارتىلدى، دەپ حابارلايدى Qamshy.kz اقپارات اگەنتتىگى قالا اكىمدىگىنىڭ باسپا ءسوز قىزمەتىنە سىلتەمە جاساي وتىرىپ.

الماتى قالاسىن كوگالداندىرۋ تۇجىرىمداماسىن ازىرلەۋ جونىندەگى جۇمىس توبى الماتى قالاسىن كوگالداندىرۋدىڭ تۇجىرىمداماسىنا  ۇسىنىستاردى قابىلداۋ  31 قازانعا دەيىن ۇزارتىلعانىن حابارلايدى.

بۇعان دەيىن ۇسىنىستار قابىلداۋ 2017 جىلعى 15 قازانعا دەيىن قابىلداناتىنى ەسكەرتىلگەن.

الماتى قالاسى تابيعي رەسۋرستار جانە تابيعاتتى پايدالانۋدى رەتتەۋ باسقارماسى كمم تاپسىرماسى بويىنشا الماتى قالاسىن كوگالداندىرۋدىڭ تۇجىرىمداماسى ازىرلەنىپ جاتىر. تۇجىرىمدامانى ازىرلەۋ ءۇشىن ورمان شارۋاشىلىعى عالىمدارى، ساۋلەتشىلەر، بيولوگتار، ەكونوميستەر، گيدرولوگتار جانە قوعامدىق ۇيىم وكىلدەرىنەن جۇمىس توبى قۇرىلدى.

تۇجىرىمداما قالانىڭ كليمات ەرەكشەلىگىن، توپىراعىنىڭ قۇرامى، جەراستى سۋىنىڭ جاقىن ورنالاسۋى دەڭگەيىن، جانۋارلار دۇنيەسىنىڭ بيولوگيالىق الۋانتۇرلىلىگىنە تالداۋ جاساۋعا نەگىزدەلگەن.

قالالىق اكىمدىكتىڭ حابارلاۋىنشا، تۇجىرىمداما ەگىلەتىن اعاش-بۇتا، وسىمدىك ماتەريالدارىن تاڭداۋ، دايىنداۋ جانە ونى كۇتىپ باپتاۋ ادىستەمەسىنەن، ساياباقتار، اۋلا ىشىندەگى اۋماقتار، سانيتارلىق قورعانىس ايماعىنا ارنالعان ءبىرىڭعاي قالالىق كوگالداندىرۋ جۇيەسىنەن قۇرالىپ، قالا اۋماعىن اباتتاندىرۋ جانە كوگالداندىرۋ جۇيەسىن دامىتۋ جونىندەگى الماتى قالاسىنىڭ باعدارلاماسىن ازىرلەۋگە، الماتى قالاسىنىڭ اۋماعىندا ءوزىنىڭ قىزمەتىن جۇزەگە اسىرىپ جۇرگەن كاسىپورىندار مەن ۇيىمداردىڭ  قىزمەتىنە نەگىزدەمە بولادى.

تۇجىرىمداما ازىرلەۋدەگى تاعى ءبىر ماقسات - بۇرىننان بار جاسىل جەلەكتەردىڭ كۇيىن جاقسارتۋ جانە جالپى پايدالانۋداعى جاسىل جەلەكتەردىڭ  ءبىر ادامعا شاققانداعى  كولەمىن 13 شارشى مەترگە دەيىن ارتتىرۋ.الماتى قالاسىنىڭ تۇرعىندارى اتالعان تۇجىرىمداماعا قاتىستى ۇسىنىستارىن a@conga.kz  ادرەسىنە جىبەرە الادى.

سونداي-اق، www.conga.kz سايتىندا قوسىمشا اقپاراتپەن تانىسۋعا بولادى.