ەلباسىعا ۇقسايتىن استانا تۇرعىنى باۋىرجان توقپانوۆتىڭ وتباسى دالادا قالۋى مۇمكىن، دەپ حابارلايدى Qamshy.kz اقپارات اگەنتتىگى Baq.kz-كە سىلتەمە جاساپ.

57 جاستاعى باۋىرجان توقپانوۆ استانادا 1996 جىلدان بەرى تۇرادى. ەندى ول 14 جىلدان بەرى تۇرعان پاتەرىنەن ايىرىلۋى مۇمكىن.

«مەنى كورگەندەردىڭ بارلىعى پرەزيدەنتكە ۇقسايتىنىمدى ايتىپ، ونىڭ سىڭارى دەپ سۋرەتكە ءتۇسىپ جاتادى. كوپشىلىكتىڭ كوزىنە ۇنەمى تۇسەتىنمىن. الايدا ءدال ءقازىر جاعدايىم قيىن كەزدە مەنى ەشكىم ەستىمەي وتىر»، - دەپ كۇرسىنەدى باۋىرجان.

ونىڭ ايتىپ وتىرعان ادىلەتسىزدىگى، 2003 جىلى وتباسىمەن بىرگە كوشىپ كەلگەن استاناداعى كۇيشى دينا كوشەسىندەگى پاتەرىنەن شىعارىلۋى.

«ءوزىمنىڭ جالعىز باسپانامدى ساتىپ، 2003 جىلدىڭ مامىر ايىندا 25 مىڭ دوللارعا «اكمولاسۆيازستروي» اق ۇلەسكەرلىك قۇرىلىس كومپانياسىنان پاتەر ساتىپ الدىق. اقشاسىن تولەپ، قۇجاتتاردى راسىمدەپ، جاڭا ۇيگە كىردىك. بۇل ءبىزدىڭ جالعىز پاتەرىمىز. ەندى 14 جىل وتكەندە ءبىزدى پاتەرىمىزدەن شىعارىپ جاتىر. 2003 جىلى جاسالعان كەلىسىمشارت جارامسىز دەپ تانىلدى»، - دەيدى ول.

ونىڭ ايتۋىنشا، 2011 جىلى «اكمولاسۆيازستروي» كومپانياسىنىڭ بۇرىنعى جانە جاڭا باسشىلىعىنىڭ اراسىندا كەلىسپەۋشىلىكتەر تۋىنداپ، سودان سوڭ بۇرىنعى باس ديرەكتورعا قاتىستى قىلمىستىق ءىس قوزعالعان. باۋىرجاننىڭ ايتۋىنشا، ول كەلىسىمشارتتى ءدال سول كىسىمەن جاساسقان.

«بەلگىلى بولعانداي، ول ءبىزدىڭ پاتەر ءۇشىن تولەگەن اقشامىزدى ءوزى الىپ قويعان. ءبىز ول تۋرالى بىلمەدىك. بىزگە ەشكىم پاتەرىمىزگە قاتىستى قانداي دا ءبىر پروبلەمالار بار ەكەنىن ايتپادى»، - دەيدى وتاعاسى.

سوت بۇرىنعى باس ديرەكتوردىڭ «اكمولاسۆيازستروي»-عا زيان تيگىزگەنىن انىقتاپ، سونىمەن قاتار توقپانوۆتاردىڭ وتباسى دا پاتەردى يەلەنۋى ءۇشىن اقشا تولەگەنىن، ءبىراق ولاردىڭ باس ديرەكتوردىڭ اقشانى يەمدەنگەنىن بىلمەگەنى دالەلدەنگەن.

«2012 جىلى ءىرى كولەمدەگى الاياقتىق جاساعانى ءۇشىن ءىستى بولعان باسقارۋشى بيىل پاتەردى الۋ تۋرالى ارىز جازىلدى. ەندى سوت ءبىزدىڭ پاتەرىمىزگە قاتىستى جاسالعان كەلىسىمشارتتاردىڭ بارلىعىن جارامسىز دەپ تانىپ، باسپانامىزدان شىعارۋدا. سۋديالار زاڭدى بۇزاتىن بولسا، مۇنداي زاڭداردىڭ نە قاجەتى بار؟ ازاماتتىق كودەكس بويىنشا، اق زاڭدى تۇلعا رەتىندە قاراماعىنداعى اتقارۋشى ورگان مەن لاۋازىمدى تۇلعانىڭ ىس-ارەكەتتەرىنە ءوزى جاۋاپ بەرۋى ءتيىس. باس ديرەكتور ولارعا مۇلىكتىك زالال كەلتىرسە، وندا ولار بۇل جايتقا ءبىزدى ارالاستىرماي شەشۋى كەرەك ەدى عوي. ءبىز زاڭ بۇزعان جوقپىز. باس ديرەكتورلار ءبىر-بىرىن تونايدى دا، ول ءۇشىن مەن كىنالى بولادى ەكەنمىن»، - دەپ كۇيىنەدى باۋىرجان.

19 تامىزدا توقپانوۆتار وتباسىن پاتەردەن شىعارۋ تۋرالى سوت ۇكىمى شىققان.

«سوت ورىنداۋشىسى كەلىپ، 14 قىركۇيەكتە ءبىزدى كۇشتەپ پاتەردەن شىعارعىسى كەلدى، ءبىراق ءقازىر ءبىز قالادا بولماعاندىقتان، ونى جۇزەگە اسىرۋ مۇمكىن ەمەس. مەن ءتىپتى قايدا باراتىنىمدى دا بىلمەيمىن؟ بومج بولامىز با؟ ءبىزدىڭ باسقا باسپانامىز جوق. ءبىز ادال ساتىپ الۋشىمىز، قىلمىسكەر ەمەسپىز. نەمەسە ءبىر عانا شەشىمىم بار – سوتتىڭ زاڭسىز شەشىمىنە قارسى الاڭعا شىعىپ ءوزىمدى ورتەۋ. سۋديالار ءبىزدى ۇيىمىزدەن جانە تىركەۋدەن ايىردى. مەن كريمينالدى جولعا ءتۇسۋىم كەرەك پە؟ مەنىڭ قانداي كىنام بار ەكەنىن ماعان ەشكىم تۇسىندىرمەدى. مەنىڭ باس ديرەكتورعا اقشا تولەگەنىم دۇرىس ەمەس پە؟ ءبىراق، كەشىرىڭىزدەر، باس ديرەكتور ول ماتريالدى جاۋاپتى تۇلعا. مەن الاياقتىقتىڭ قۇربانى بولدىم»، - دەيدى ول.

باۋىرجان جوعارعى سوتتىڭ كوللەگياسىنا حات جازىپتى. سونىمەن قاتار، ول ق ر باس پروكۋرورى جاقىپ اسانوۆقا ءىستىڭ ءمان-جايىن انىقتاۋعا كومەكتەسۋىن سۇراپ جۇگىنىپتى.

«مەن قايدا بارارىمدى بىلمەيمىن. ايەلىمە «ۇيدەن كەتىپ قال، مەن گازدى اشىپ جىبەرەمىن» دەدىم. ءبىراق كورشىلەر بار عوي، ولاردىڭ نە كىناسى بار دەپ ويلادىم. مەنىڭ جوعالتاتىن ەشنارسەم قالمادى. ولۋدەن دە ايانبايمىن»، - دەيدى باۋىرجان.