4-5 قاراشادا قورداي مەن جامبىل وبلىسىنداعى جامبىل ايماعىنا جۇرگىزىلگەن فيتوسانيتارلىق تەكسەرىس كەزىندە قىرعىزستاننان كەلگەن 47،9 توننا قۇرمانىڭ ىشىنەن كومستوك قۇرتى جانە 20 توننا كەپكەن جەمىستەردەن شىعىستىق جەمىسساباق شىقتى،-دەپ حابارلايدى Qamshy.kz اقپارات اگەنتتىگى. 

ەۋرازيالىق ەكونوميكالىق وداقتىڭ ەرەجەلەرىن بۇزعاندىعى ءۇشىن اتالمىش ونىمدەر قىزعىزستانعا كەرى قايتارىلدى.

كارانتيندىك، سانيتارلىق تەكسەرىس باستالىسىمەن قىرعىزستاننان كەلگەن تاۋارلاردىڭ ەرەجەگە سايكەس كەلمەۋى تۋرالى بولعان جاعداي وسىمەن 21 رەت قايتالاندى. ونىڭ 14 جاعدايىندا كومستوك قۇرتى تابىلعان.

كومستوك قۇرتى – وسىمدىكتەردىڭ 300-گە جۋىق ءتۇرىن زاقىمدايدى. ەگەر ول بالالاسا، ونىمدەردىڭ سالماعى ازايىپ، جينالعان استىقتىڭ 50%-ى جارامسىز بولىپ قالادى.

شىعىستىق جەمىسساباق – جەمىستەردىڭ تۇقىمىن زاقىمداپ، ولاردى 90-100%-عا دەيىن جارامسىز ەتەدى.