ەنشى تەليەۆيزيالىق جوباسى وتەتىنىن حابارلاعان بولاتىنبىز. جوبا تۋرالى حالىقتىڭ پىكىرى قانداي؟ جوبا اۆتورلارى ەلدەن "زياتكەرلىك سايىستاردىڭ ماڭىزى بار ما؟ وسى ساۋالعا قاتىستى حالىقتىڭ پىكىرى قانداي؟ الداعى جوبانىڭ ءتۇسىرىلىم توبى كوپشىلىكتىڭ ويىن ءبىلىپ، ءبىلىم بايگەسىنىڭ بەرەرى مول دەگەن بايلامعا كەلدى. ال ءسىزدىڭ ويىڭىز قانداي؟" دەگەن ساۋالدارعا جاۋاپ سۇرادى.

ايتا كەتسەك، «ەنشى» زياتكەرلىك-تانىمدىق تەليەۆيزيالىق جوباسى جۋىردا كورەرمەنگە جول تارتادى. ءبىلىم دوداسىنىڭ ماقساتى تالانتتى جاستاردى تانۋ، ولاردىڭ وقۋعا قىزىعۋشىلىعىن ارتتىرۋ جانە ءبىلىمدى ناسيحاتتاۋ. باستىسى، جان-جاقتى ءارى بىلىمگە قۇشتار، لوگيكاسى مەن ينتۋيسياسى دامىعان جاستاردى كوپشىلىككە تانىستىرۋ. سونداي-اق، قازاقتىڭ ۇمىت بولعان سالت-داستۇرلەرى، ۇلتتىق ويىندارى، تۇرمىستا قولدانىلعان قۇرال-سايماندارىن دارىپتەۋ. ءتورت كەزەڭدى قامتيتىن سايىسقا 10-11 سىنىپ وقۋشىلارى مەن 1-2 كۋرس ستۋدەنتتەرى قاتىسادى. العاشقى اينالىمدا ءتىل ءبىلىمى، مادەنيەت، تانىم، داستۇردەن قاتىسۋشىلارعا 15 سۇراق قويىلادى. ەكىنشى اينالىمدا ويىنشىلار «توعىز توراپ»-تا اتى ايتىپ تۇرعانداي 9 ءتۇرلى تاقىرىپ توڭىرەگىندە ءوزارا سىنعا تۇسەدى. جوبانىڭ ءۇشىنشى كەزەڭى «جامبى اتۋ» دەپ اتالادى. بۇل اينالىمدا ويىنشىلار وزدەرى قالاعان ۇياشىققا جامبىنى ورنالاستىرۋ ارقىلى سۇراقتى تاڭداۋعا مۇمكىندىك الادى. سوڭعى اينالىمنىڭ سۇراقتارى قازاق ادەبيەتى، قازاقستان تاريحى، سالت-داستۇرلەر، فولكلوردان كەلەدى. ءبىلىم بايگەسىنەن وزا شاۋىپ، ارتىنا قارا سالماعان قاتىسۋشى دودانىڭ باس بايگەسىنە يەلىك ەتىپ، ەنشىسىن الادى.