اقمولا وبلىسىنىڭ اكىمى مالىك مىرزالين فەيسبۋك الەۋمەتتىك جەلىسىندە پاراقشا اشتى، دەپ حابارلايدى Qamshy.kz اقپارات اگەنتتىگى. پاراقشا اشۋداعى ماقساتى – وبلىس تۇرعىندارىنا اتقارىلعان جۇمىستار بارىسىن بايانداپ، ولاردىڭ پىكىرلەرىن ءبىلۋ.

اكىم پاراقشاسىندا مىناداي جازبا قالدىردى:

«قۇرمەتتى دوستار!

Facebook تا ءوز پاراقشامدى اشۋ ەڭ الدىمەن جۇمىس بابىمەن قاجەتتىلىك تۋعىزدى. اقپاراتتىق اشىقتىق ەڭ الدىمەن بۇكىل قازاقستاندىقتارمەن قاتار ءوڭىردىڭ تۇرعىندارىنا اقمولا وبلىسىنداعى مەملەكەتتىك ورگانداردا اتقارىلىپ جاتقان جۇمىستاردان حاباردار بولۋمەن قاتار ءوز پىكىرلەرىن ايتۋعا مۇمكىندىك بەرەدى دەپ ويلايمىن.

اقمولا وبلىسى استانا ىرگەسىندەگى ەڭ ءىرى اۋىلشارۋاشىلىعى ايماق بولىپ تابىلادى. ەلباسىمىمىزدىڭ استانا قالاسىنىڭ ازىق-تۇلىكپەن قامتۋ بەلدەۋىن ودان ءارى دامىتۋ باعدارلاماسىن جۇزەگە اسىرۋ ماقساتىندا ءوڭىر بيىل استانادا “AQMOL" - اتتى ساۋدا نۇكتە جەلىسىنىڭ العاشقى دۇكەنى اشاتىنىن حابارلايمىن!

مۇندا سىزدەر ءۇشىن ساپالى ءارى قولجەتىمدى باعامەن ەت، ءسۇت، نان ونىمدەرى ساۋدالاناتىن بولادى. بۇل جوبانىڭ استانادا العاشقىدا كەزەڭىندە ءۇش ساۋدا جەلىسى اشىلادى، كەيىن ساۋدا جەلىسىنىڭ سانىن ونعا دەيىن ارتتىرۋ كوزدەلگەن.

العاشقى كەزەڭىندە “AQMOL”ساۋدا جەلىسىندە: «اگروفيرما «رودينا»، ج ش س، «يجيەۆسكيي»، كك، «استانا اگرو پرودۋكت»، «CAPITAL PROJECTS LTD»، «گورمولزاۆود»، «تورگوۆىي دوم «اينا»، "ستەرح"، "اگروفيرما TNK"، "مپك بيرجان"، "كاپيتال ناتۋر پرودۋكت"، سياقتى سىزدەرگە تانىمال كاسىپورىنداردىڭ تاۋارلارى قولجەتىمدى باعامەن ساۋدالاناتىن بولادى.

استانا قالاسى مەن ونىڭ تۇرعىندارىن 2017 جىلدىڭ 11 قاراشاسىندا ساعات 12:00 دە ر.قوشقاربايەۆ كوشەسى 37 ۇيدە كۇتەتىن بولامىز!

قۇرمەتپەن، مالىك مىرزالين».