استاناداعى وكق-دا باسپا ءسوز ءماسليحاتىن وتكىزگەن الماتى قالاسىنىڭ اكىمى باۋىرجان بايبەك بيىل قالادا 14500 پاتەر پايدالانۋعا بەرىلەتىنىن ءمالىم ەتتى.

«مەملەكەتتىك باعدارلامالار شاھاردىڭ ەكونوميكاسىنا وتە زور اسەرىن تيگىزىپ جاتىر. وسىلايشا، قالاداعى قۇرىلىس جۇمىستارىنىڭ قارقىنى 4 ەسەگە ارتتى. «نۇرلى جەر» باعدارلاماسى بويىنشا 1800 ءۇي سالىندى. «نۇرلى جول» باعدارلاماسى بويىنشا عانا بيىل 4،5 مىڭ ءۇي پايدالانۋعا بەرىلەدى. جالپى قولدانىسقا بەرىلەتىن ۇيلەردىڭ 60 پايىزى جاڭادان سالىنىپ جاتقان اۋدانداردا بوي كوتەرەدى»، - دەيدى باۋىرجان بايبەك.

الماتى اكىمىنىڭ ايتۋىنا قاراعاندا، شاھاردا جەكە قۇرىلىسقا باسىمدىق بەرىلگەن. وسىلايشا، سوڭعى 2 جىلدا 1 تريلليون تەڭگەنىڭ 82 جوباسى قولعا الىنعان.

«جەكە ينۆەستيسيا نەگىزىندە 7 مىڭ ورىندىق 54 بالاباقشا سالۋ شەشىلدى. ينۆەستورلاردىڭ ارقاسىندا بيۋدجەتتەگى 14 ملرد تەڭگەنى ۇنەمدەپ قالدىق. دەمەك، جوباسىمەن كەلگەن ينۆەستورعا ءبىز: «سەن ەگەر ءۇي سالعىڭ كەلسە، ۇيمەن بىرگە بالاباقشا مەن مەكتەپتى دە سال» دەپ قولقا سالامىز. بۇگىنگى تاڭدا ءۇي ساتىپ العىسى كەلگەن ادامدار سول ماڭداعى مەكتەپ پەن بالاباقشانىڭ، جايلى اۋلانىڭ جايىن ويلايدى. سوندىقتان، ءبىز ءار ادام كولىكسىز دۇكەنگە بارىپ، بالاباقشاعا بالاسىن اپارا الاتىنداي جاعداي جاساۋ جاعىندا جۇمىس اتقارامىز. تاعى دا قايتالاپ ايتامىن، 7 مىڭ بالاباقشانى جەكە بيزنەس اشادى. ونىڭ 3 مىڭى مەملەكەتكە بىردەن بەرىلەدى»، - دەيدى اكىم.

باۋىرجان بايبەك، سونىمەن بىرگە، شاھاردا كەزەكتە تۇرعان ءاربىر ءۇشىنشى وتباسى بيىل ۇيگە يە بولاتىنىن مالىمدەدى.

«2017 جىلى 5880 پاتەر پايدالانۋعا بەرىلەدى. بۇل 2016 جىلمەن سالىستىرعاندا ءۇش ەسە وڭ كورسەتكىش. دەمەك، كەزەكتە تۇرعان ءار ءۇشىنشى الماتىلىق پاتەرگە قول جەتكىزەدى. جالپى، بارلىق كوزدەر بويىنشا (مەملەكەتتىك باعدارلامالار، جەكە ينۆەستيسيالار - اۆت) بيىل ءبىز 14،5 مىڭ پاتەردى تاپسىرامىز»، - دەيدى ول.