اقمولا وبلىسىنىڭ ىسكەر ايەلدەر قاۋىمداستىعى اقمولا وبلىسى ىشكى ساياسات باسقارماسىنىڭ «مۇگەدەكتىگى بار بالالار مەن ەرەسەكتەر اراسىندا جۇمىس ىستەۋ جۇيەسىن قوعامعا بەلسەندى بەيىمدەۋ ماقساتىن ۇيىمداستىرۋ» جوباسىنىڭ شەڭبەرىندە مۇمكىندىگى شەكتەۋلى بالالار مەن ولاردىڭ اتا-انالارىنا ارنالعان شىعارماشىلىق سەمينار وتكىزدى، دەپ حابارلايدى Qamshy.kz اقپارات اگەنتتىگى اقمولا وبلىسى ىشكى ساياسات باسقارماسىنىڭ وڭىرلىك كوممۋنيكاسيالار قىزمەتىنە سۇيەنىپ.

سەميناردىڭ باستى ماقساتى اتا-اناسىنىڭ كومەگى ارقىلى بالانىڭ جەكە شىعارماشىلىق قاسيەتتەرىن دامىتۋ، موتوريكانى، موتورلىق قىزمەتتى دامىتۋ.

10 قاراشادا اقمولا وبلىسىنىڭ استراحان كەنتىندە ارنايى بالالارمەن جانە 18 جاستان اسقان جاندارمەن كەزدەسۋ ءوتتى. بالالار انالارىمەن بىرگە جانە ءوز بەتىمەن، مۇعالىمدەر مەن وقىتۋشىلاردىڭ كومەگى ارقىلى جاڭا جىلدىق شىرشاعا ادەمى اشەكەيلەر جاسادى. بالالار تۇستەردى قايتالادى، ءتۇرلى ماتەريالدارمەن تانىسىپ، دامىتۋعا ارنالعان جاتتىعۋلار جاسادى، توپ بولىپ تا جۇمىس ىستەدى.

بالالار شىعارماشىلىق جۇمىستارىمەن اينالىسقاندا، ولاردىڭ اتا-انالارى الەۋمەتتىك پروبلەمالاردىڭ وزەكتىلىگى بويىنشا زەرتتەۋگە ارنالعان ارنايى ساۋالنامانى تولتىردى. سونداي-اق، ولارعا كەڭەس بەرىلىپ، قاۋىمداستىقتىڭ قايىرىمدىلىق قىزمەتى تۋرالى تانىستىرىلدى.