اقتاۋدى جاڭا جىلدىق بەزەندىرۋگە 13 ملن تەڭگەدەن استام قارجى ءبولۋ جوسپارلانۋدا. بۇل تۋرالى Lada.kz اقتاۋ تۇرعىن ۇي-كوممۋنالدىق شارۋاشىلىق ءبولىمىنىڭ باسشىسى بەرىك ىزعالييەۆكە سىلتەمە جاساپ حابارلادى، دەپ جازادى Qamshy.kz اقپارات اگەنتتىگى. 

مەردىگەر كومپانيانى انىقتاۋ ءۇشىن كونكۋرس جاريالاندى.  كونكۋرسقا  2017 جىلعى 19 قاراشاعا دەيىن وتىنىشتەر قابىلدانادى. بەرىك ىزعالييەۆتىڭ ايتۋىنشا، جاڭا جىلدىق بەزەندىرۋگە اقتاۋلىقتار تاۋەلسىزدىك كۇنىنەن كەيىن كىرىسەدى. كونكۋرس جەڭىمپازى جەلتوقساننىڭ باسىندا انىقتالادى. وسى ماقساتتا بيۋدجەتتەن 13 ميلليون 901 مىڭ 785 تەڭگە قاراستىرىلىپ وتىر. تەحنيكالىق سيپاتتاماعا سايكەس، مەردىگەر كومپانيا 20 جەلتوقساندا ىسكە كىرىسىپ، ءۇش كۇن ىشىندە «ىنتىماق» جانە «استانا» الاڭدارىن، سونداي-اق وبلىستىق اكىمدىك پەن «قازاقتەلەكوم» عيماراتىنىڭ الدىنداعى الاڭدى بەزەندىرۋى ءتيىس.

12 مەترلىك ەكى شىرشا «ىنتىماق» جانە «استانا» الاڭدارىنا قويىلادى. «ىنتىماق» الاڭىنداعى 714 مەترگە سوزىلىپ جاتقان بۇتالار، 100 بوز ارشا جانە 326 ءتۇپ اعاش  جارىق ديودتى گيرلياندالارمەن كومكەرىلەدى. وبلىستىق اكىمدىك پەن «قازاقتەلەكومنىڭ» ماڭىنداعى جانە «استانا» الاڭىنداعى بۇتالار مەن اعاشتار دا گيرلياندالارمەن، كەستەلەرمەن، جىلتىراۋىق شامدارمەن بەزەندىرىلەدى. «استانا» الاڭىنداعى «كاراۆەللا» مونۋمەنتى 738 جارىق ديودتى گيرلياندامەن اشەكەيلەنەدى، سونداي-اق «اقبوتا» پاركىن دە جارىق ديودتى شامدارمەن بەزەندىرۋ جوسپارلانىپ وتىر.

ايتا كەتسەك، 2016 جىلى اقتاۋ جاڭا جىلداعى بەزەندىرۋ جۇمىستارىنا 19 ميلليون تەڭگە جۇمساعان بولاتىن. ال 2015 جىلى 49 ميلليون تەڭگە جۇمسالعان.