قازاق ۇلتتىق اگرارلىق ۋنيۆەرسيتەتىندە «ەلباسى كىتاپحاناسى» ورتالىعى اشىلدى.
جيىننىڭ اشىلۋىندا ءسوز العان قازۇاۋ رەكتورى، اكادەميك تىلەكتەس ەسپولوۆ ۋنيۆەرسيتەت بازاسىندا اشىلعان كىتاپحانانىڭ ماڭىزدىلىعىنا توقتالدى.
«جوبا اياسىندا ءبىز ۋنيۆەرسيتەت بازاسىندا ەلباسى كىتاپحاناسىن اشىپ وتىرمىز. باستى ماقساتىمىز - ۇلت كوشباسشىسى نۇرسۇلتان ءابىش ۇلى نازاربايەۆتىڭ ءومىرى مەن قىزمەتىن ۇلگى تۇتىپ، جاستاردى ليدەرلىك قاسيەتكە تاربيەلەپ، باسەكەگە قابىلەتتى ۇرپاق قالىپتاستىرۋ. جاقىندا عانا ءبىز استاناداعى ەلباسى كىتاپحاناسىنان پرەزيدەنتىمىزدىڭ 500 كىتابىن الدىق. بۇل - ءبىز ءۇشىن، ءبىزدىڭ بەلسەندى جاستارىمىز ءۇشىن ۇلكەن ولجا. بۇل كىتاپتار، ءبىزدىڭ جاستارىمىزدىڭ رۋحاني دۇنيەتانامىن كەڭەيتىپ، بىلىمدەرىن تولىقتىرا تۇسەدى»، - دەدى جوو رەكتورى.
سونداي-اق، اتالعان جوو-دا «رۋحاني جاڭعىرۋ: جاستار كوزقاراسى» حالىقارالىق عىلىمي-تاجىريبەلىك كونفەرەنسياسى ءوتتى. كونفەرەنسيادا الماتى قالاسىنىڭ جانە شەتەلدىك جوعارى وقۋ ورىندارىنىڭ عالىمدارى، ماگيسترانتتارى، ستۋدەنتتەرى باياندامالار جاسادى.
جيىندا «تاريحي تۇرعىداعى قازاقستاننىڭ جاڭعىرۋ الەۋەتى»، «ۇلتتىق كود رۋحاني سانانى جاڭعىرتۋدىڭ نەگىزى رەتىندە»، «قازاقستان جاستارىنىڭ رۋحاني ساناسىن جاڭعىرتۋ شارتتارىنداعى تاريحي سانا» تاقىرىپتارىندا باياندامالار جاسالدى.
الماتى قالاسىندا قازاقستان رەسپۋبليكاسىنىڭ تۇڭعىش پرەزيدەنتى - ەلباسى كىتاپحاناسى «ن.نازاربايەۆ: ءداۋىر، تۇلعا، قوعام» اتتى كوشپەلى كورمە جوباسىن 10 قاراشادان بەرى وتكىزىپ كەلەدى.
«ن. نازاربايەۆ: ءداۋىر، تۇلعا، قوعام» كوشپەلى كورمەسى ءتورت بولىمنەن تۇرادى:
«كوشباسشى جولى» ءبولىمى ق ر تۇڭعىش پرەزيدەنتى – ەلباسى ن. ءا. نازاربايەۆتىڭ ءومىر كەزەڭدەرىنەن سىر شەرتەدى. ۇلتتىق كوشباسشىمىزدىڭ جولى رۋحاني سانانىڭ ءداۋىرى مەن شىعۋى مازمۇنىن بىلدىرەتىن تاريحي ۇدەرىستەر مەن وقيعالاردى سيپاتتاۋ ارقىلى كورسەتىلەدى. قازاقستان پرەزيدەنتىنىڭ العاشقى بۇكىلحالىقتىق سايلاۋى ەلىمىزدىڭ تاۋەلسىزدىگىنىڭ نەگىزگى باعىتتارىن ايقىنداعان باستى تاريحي تاڭداۋ بولدى.
«كوشباسشى فەنومەنى» ءبولىمى قازاقستان رەسپۋبليكاسىنىڭ نەگىزىن قالاعان، جاھاندىق كەڭىستىكتە تۇراقتىلىق پەن قاۋىپسىزدىكتىڭ جاڭا يدەيالارىن ەنگىزگەن ن. ءا. نازاربايەۆتىڭ مەملەكەتتىك قۇرىلىم تۇجىرىمداماسىنىڭ قالىپتاسۋى مەن دامۋى تاريحىنا جەتەلەيدى. كوشباسشى فەنومەنى سەمەي يادرولىق پوليگونىنىڭ جابىلۋىنان باستاپ مەملەكەت استاناسىن اۋىستىرۋ يدەياسىن جۇزەگە اسىرۋعا دەيىنگى تاريحي ماڭىزى بار شەشىمدەر مەن باستامالار ارقىلى كورىنىس تاپقان.
«ەلباسى مارتەبەسى – ەل مارتەبەسى» بولىمىندە كوشباسشىنىڭ جانە قازاقستان حالقىنىڭ جاھاندىق ۇدەرىستەردىڭ تۇراقتىلىعى مەن وركەندەۋىنە قوسقان ۇلەسىن تانۋ بەلگىسى رەتىندە ۇسىنىلعان ەلباسىنىڭ جوعارى مەملەكەتتىك ناگرادالارى باياندالادى.
«الەم قادىرلەگەن ەلباسى» بولىمىندە قازاقستان رەسپۋليكاسىنىڭ قارقىندى سىرتقى ساياساتى كورسەتىلەدى. بۇل – الەمدىك دەڭگەيدەگى ساياساتكەر، قازاقستان رەسپۋبليكاسىنىڭ تۇڭعىش پرەزيدەنتى ن. ءا. نازاربايەۆتىڭ بيىك بەدەلىنىڭ ناتيجەسى. ەلىمىزدىڭ كوپۆەكتورلى سىرتقى ساياساتى ديپلوماتيالىق سىيلىقتار، جەكە جازبالار، مۇراعاتتىق ماتەريالدار ارقىلى كورسەتىلگەن. ءاربىر سىي-سياپاتتان كەز كەلگەن قاۋىپ-قاتەر مەن تۇسىنبەۋشىلىكتەن ازات بەيبىت الەمدى قالىپتاستىرۋداعى ن. ءا. نازاربايەۆتىڭ سىڭىرگەن ەڭبەگىن تانىعان شەتەلدىك مەملەكەت جانە ۇكىمەت باسشىلارىنىڭ جەكە قۇرمەتى كورىنەدى.
ەكسكۋرسيالار بالاباقشا تاربيەلەنۋشىلەرى، وقۋشىلار مەن ستۋدەنتتەر ىسپەتتى ءتۇرلى جاس ساناتىنداعى اۋديتوريا مۇشەلەرىنە ارنالادى.
ايتا كەتەر بولساق، 11 قاراشا كۇنى قازۇاۋ-دا «ءعىلىمي-بىلىم بەرۋ قىزمەتىندەگى يننوۆاسيالىق جۇمىس تۇرلەرى» سەمينارى، 13 قاراشادا «قازاقستان جولى: «ماڭگىلىك ەل» سەمينار-ترەنينگى ءوتتى.
