جىل سوڭىنا دەيىن شىمكەنتتە قالانىڭ شەتكى ەلدى مەكەندەرىنەن ورتالىققا قاتىنايتىن جاڭادان 12 باعىت قوسىلادى، دەپ حابارلايدى Qamshy.kz اقپارات اگەنتتىگى.
ال ءجۇرۋ جيىلىگىن بۇزعان كومپانيالارمەن ءقازىردىڭ وزىندە كەلىسىمشارتتار بۇزىلىپ جاتىر. سونداي-اق، كەلەر جىلعا دەيىن ءبىرقاتار ەلدى مەكەندەر ساپالى جارىققا قول جەتكىزەدى. بۇل – وبلىس اكىمى جانسەيىت تۇيمەبايەۆتىڭ شىمكەنت قالاسى اكىمىن تاعايىنداۋ كەزىندە بەرگەن تاپسىرمالارىنىڭ ناتيجەسى.
بۇگىندە قالاداعى وزەكتى ماسەلەنىڭ ءبىرى قوعامدىق كولىكتەر بولىپ وتىر. وسى رەتتە شىمكەنت قلااسى اكىمدىگىنىڭ شەشىمىمەن حالىق كوپ شوعىرلانعان ەلدى مەكەندەردەن قالاعا قاتىنايتىن 12 باعىت اشىلىپ، تاسىمال سالاسىندا بەس باعىتقا جاۋاپتى مەكەمەمەن كەلىسىمشارتتى ۇزگەن.
سونىمەن قاتار، قالالىق جولاۋشىلار كولىگى جانە اۆتوكولىك جولدارى ءبولىمى الداعى ۋاقىتتا شىمكەنتتەن مەملەكەتتىك اۆتوبۋس پاركىن اشۋدى ۇسىنىپ وتىر. بۇل باعىتتاعى ىلكىمدى ىستەر ءقازىردىڭ وزىندە باستالىپ كەتتى.
ايتا كەتسەك، 7ء-شى قاراشادا شىمكەنت قالاسىنىڭ اكىمى بولىپ نۇرلان ساۋرانبايەۆ سايلانعانى حابارلانعان بولاتىن.
