«رۋحاني جاڭعىرۋ» باعدارلاماسىن ىسكە اسىرۋ ماقساتىندا كوكپەكتى اۋدانىندا «تۋعان جەر» باعدارلاماسى اياسىندا جالپى قۇنى 42 ملن تەڭگەگە 7 جوبا ىسكە اسقان.

قازىردە سەگىزىنشى جوبا بويىنشا جىل سوڭىنا دەيىن اق وي اۋىلىندا جاڭا ەمحانا ءوز جۇمىسىن باستاماق. بۇل جايلى شىعىس قازاقستان ايماقتىق كوممۋنيكاسيالار قىزمەتىندە وتكەن باسپا ءسوز ءماسليحاتى بارىسىندا كوكپەكتى اۋدانىنىڭ اكىمى راميل ساگاندىقوۆ مالىمەدى.

– قازىردە شۇعىلباي اۋىلىنىڭ جولى جوندەۋدەن ءوتىپ، تاسساي اۋىلىندا جاڭا ويىن الاڭى سالىنىپ، م. اۋەزوۆ اتىنداعى مەكتەپ سپورت جابدىقتارىمەن قامتىلماق. سونداي-اق، ورنەك اۋىلىندا جاڭا بالاباقشا سالىندى. بارلىق اتقارىلعان جوبا كاسىپكەرلەردىڭ قاراجاتىنا ىسكە اسۋدا، – دەدى اۋدان اكىمى راميل ساگاندىقوۆ.

ەستەرىڭىزگە سالا كەتسەك، قازان ايىندا وسكەمەن قالاسىندا وتكەن «تۋعان جەر» فورۋمى اياسىندا اۋدان كاسىپكەرلەرى اۋدانعا 47،6 ملن تەڭگە كولەمىندە قاراجات تابىس ەتۋگە ءازىر ەكەندىكتەرىن جەتكىزگەن. اتالمىش قاراجاتقا «مەنىڭ مەكتەبىم» اكسياسى بويىنشا اۋداندا 7 روبوتوتەحنيكا سىنىبىن اشۋ جوسپارلانعان.