بيىل نەگىزى قالانعانىنا 80 جىل تولىپ وتىرعان شىمكەنت قالاسىنداعى وڭتۇستىك قازاقستان مەملەكەتتىك پەداگوگيكالىق ينستيتۋتى اتالعان مەرەيتوي قارساڭىندا ۋنيۆەرسيتەت مارتەبەسىن الۋعا ازىرلىك جاساپ جاتىر. بۇل جايىندا Qamshy.kz اقپارات اگەنتتىگى.

وسىعان وراي ينستيتۋتتا اشىق ساباقتار، جاس ديزاينەرلەر مەن سۋرەتشىلەردىڭ كورمەسى، قوعامنىڭ كورنەكتى وكىلدەرى، اقىن-جازۋشىلارمەن كەزدەسۋلەر جانە فلەشموبتار ۇيىمداستىرىلىپ جاتىر. 

ايتا كەتسەك، 1937 جىلى وڭتۇستىكتەگى ءبىرىنشى اشىلعان ەكى جىلدىق مۇعالىمدەر ينستيتۋتى  1954 جىلى شىمكەنت پەداگوگيكالىق ينستيتۋتى بولىپ قايتا قۇرىلدى. 1993 جىلى شىمكەنت پەداگوگيكالىق ينستيتۋتى ق ر ۇكىمەتىنىڭ قاۋلىسىمەن تۇركىستان قالاسىندا جاڭادان اشىلعان ق.ا.ياساۋي اتىنداعى حالىقارالىق قازاق-تۇرىك ۋنيۆەرسيتەتىنىڭ قۇرامىنا كىردى. ق ر ۇكىمەتىنىڭ 2011 جىلعى 28 ماۋسىمداعى №722 قاۋلىسىمەن وڭتۇستىك قازاقستان مەملەكەتتىك پەداگوگيكالىق ينستيتۋتى قايتا اشىلدى. پەداگوگيكالىق ينستيتۋت وڭتۇستىك وڭىرىندەگى ەڭ العاشقى جوعارى وقۋ ورنى.