وسكەمەندە مەملەكەتتىك-جەكە مەنشىك سەرىكتەستىك اياسىندا العاشقى بالاباقشانىڭ قۇرىلىسى باستاۋ الدى. مەكتەپكە دەيىنگى بۇل مەكەمە 250 ورىنعا شامالانعان، — دەپ حابارلايدى Qamshy.kz اقپارات اگەنتتىگى.

شقو كاسىپكەرلەرى قىزمەت سالاسىن وزگەرتتى. ولار ەندى ءوز قاراجاتىنا كوممەرسيالىق قانا ەمەس، الەۋمەتتىك ماڭىزداعى نىسانداردى سالادى. وسى جىلدىڭ وزىندە كاسىپكەرلەر وسكەمەن جانە سەمەي قالالارىندا 4 بالاباقشانىڭ قۇرىلىسى باستالماق. ايماق باسشىسى دانيال احمەتوۆتىڭ پايىمداۋىنشا،  بۇل ۇلگىدە «بيزنەس قوسىمشا كىرىستىڭ مۇمكىنىدىگىن سەزىنەدى».

-  «VKgroup» كومپانياسى قۇنى 733 ميلليون تەڭگە بولاتىن 250 ورىندى بالاباقشانىڭ قۇرىلىسىن باستاپ قويدى. ول ءبىزدىڭ «دامۋ» قورىمەن بىرلسكەن جوبامىز بويىنشا قارجىلاندىرىلادى. بۇل جەردە، مەنىڭ ويىمشا، ەكى ماڭىزدى كومپونەنت بار. ءبىرىنشىسى – بيزنەس الەۋمەتتىك سالاعا اۋىسادى. ەكىنشىسى – ءوزىنىڭ رەسۋرستارىن سالا باستايدى. مەملەكەتتىك-جەكە مەنشىك جوبالارىنىڭ تيىمدىلىگى ايقىندالادى، - دەيدى دانيال احمەتوۆ.

وسىلايشا، شقو اتقارۋشى بيلىگى بيۋدجەتتەن تىس قاراجاتتى بەلسەندى تارتۋ فازاسىنا ەنىپ وتىر. ماسەلەن، بۇگىنگى تاڭدا ەۋرازيالىق قايتا قالپىنا كەلتىرۋ جانە دامىتۋ بانكىمەن 40 ملرد. تەڭگەگە كەلىسىم-شارت جاسالدى. وسكەمەندەگى 300 ورىندى اۋرۋحانانىڭ قۇرىلىسى بويىنشا جوبا دا جۇزەگە اسىرىلۋدا. مەملەكەتتىك-جەكەمەنشىك جوبالارى بويىنشا سالىنعان مەكتەپكە دەيىنگى مەكەمەلەر 100 پايىز مەملەكەتتىك تاپسىرىسپەن قامتاماسىز ەتىلەدى