فورۋمنىڭ پلەنارلى وتىرىسىندا ايماق باسشىسى شقو-نىڭ رەسەي فەدەراسياسىنىڭ ايماقتارىمەن بەلسەندى سەرىكتەستىگىنە تىعىز، تاتۋ كورشىلىك قاتىناستار مەن شەكارالىق ىنتىماقتاستىعى جاعداي جاسايتىنىن اتاپ ايتتى. وبلىستىڭ رەسەيمەن سىرتقى تاۋارلىق اينالىمى اعىمداعى جىلدىڭ باس كەزىنەن بەرى 108%-عا كوبەيدى (656 ملن اقش دوللارى)، رەسەيلىك كاپيتالدىڭ قاتىسۋىمەن 586 كاسىپورىن تابىستى جۇمىس ىستەپ تۇر، — دەپ جازادى Qamshy.kz اقپارات اگەنتتىگى altaynews.kz سايتىنا سىلتەمە جاساي وتىرىپ.

رۋحاني سالاداعى يدەولوگيالىق تۇعىرناما  قازاقستان پرەزيدەنتى نۇرسۇلتان نازاربايەۆتىڭ «رۋحاني جاڭعىرۋ» باعدارلاماسى بولىپ تابىلادى. بۇل باعدارلاما تولىقتاي قوعامنىڭ وي-ساناسىن وزگەرتۋگە، ۇلتتىق جانە مادەني-گەنەتيكالىق كودتى ساقتاۋعا، قازاقستاندىق قوعام مەن ءار قازاقستاندىقتى دامىتۋعا باعدارلانعان.

شىعىس قازاقستاندا تەك قازاقستاندىقتار ءۇشىن ەمەس، رەسەي تۇرعىندارىنا دا قىزىقتى بولاتىن كيەلى ورىنداردىڭ تىزىمدەمەسى جاسالدى. ال «ادەبي بەلدەۋ» جوباسى  شىعىس قازاقستاننىڭ مادەني مۇراسىنىڭ الۋان تۇرلىلىگىن كورسەتۋگە مۇمكىندىك بەرەدى.

ادامي كاپيتالدى دامىتۋعا تۇرارلىق ۇلگى رەتىندە «تۋعان جەر» جوباسىنىڭ اياسىنداعى  «مەنىڭ مەكتەبىم»  اكسياسىن ايتۋعا بولادى. وبلىس كاسىپكەرلەرى جالپىعا ورتاق ءبىلىم بەرۋشى مەكتەپتەردىڭ كابينەتتەرىن نازاربايەۆ زياتكەرلىك مەكتەبىنىڭ ستاندارتى بويىنشا جابدىقتاۋعا 2،3 ملرد تەڭگە قاراجات سالىپ وتىر.

ايماق باسشىسى دانيال احمەتوۆتىڭ ايتۋىنشا، وبلىستا ءۇش ءتىلدى ءبىلىم بەرۋ باعدارلاماسى ەكى جىلداي ۋاقىت جۇمىس ىستەپ كەلەدى. ونىڭ نەگىزىندە كەمبريدجدىك وقىتۋ ءادىسى جاتىر. 2016 جىلدان باستاپ مەديسينالىق كادرلاردى وقىتۋدىڭ ءۇش جىلدىق كەشەندى باعدارلاماسى مەن مەديسينالىق مەكەمەلەردى زاماناۋي قۇرالدارمەن جابدىقتاۋ جۇزەگە اسىرىلادى.

بۇل كەزدەسۋدىڭ باستى تاقىرىبى — «ەاەو ءبىرىڭعاي ساندىق كەڭىستىگىن قۇرۋ ءۇشىن ساندىق ەكونوميكا سالاسىنداعى سەرىكتەستىكتى جانداندىرۋعا» قاتىستى دانيال احمەتوۆ زامانيۋي يننوۆاسيالاردى ءومىر ءسۇرۋ ساپاسىن جاقسارتۋدا قولدانۋعا قاتىستى مىسال كەلتىردى. جاقىن بولاشاقتا ءار شىعىس قازاقستاندىق ەلەكتروندى دەنساۋلىق پاسپورتىنا يە بولماق. بۇل ءار ناۋقاستىڭ ەاەو-نا قاتىسۋشى ەلدەردەگى كەز كەلگەن مەديسينالىق مەكەمەدە مەدسينالىق كومەك الۋىنا مۇمكىندىك بەرەدى.

— جىلدان جىلعا رەسەي-قازاقستان ەكونوميكالىق، گۋمانيتارلىق بايلانىسى نىعايىپ، كەڭەيە تۇسۋدە جانە جوعارى ناتيجە كورسەتۋدە. بۇل ادامي كاپيتالدى دامىتۋ ماسەلەسىنە ەرەكشە نازار اۋدارۋعا مۇمكىندىك بەرەدى. ال ول يننوۆاسيانىڭ باستى قوزعاۋشى كۇشى بولىپ تابىلادى، تۇراقتى ەكونوميكالىق وسۋگە سەنىمدى نەگىز بولادى. شىعىس قازاقستان وبلىسى كونسترۋكتيۆتى سۇحبات قۇرۋعا جانە بارلىق ۆەكتورلىق ينتەگراسيا بويىنشا ءوزارا ءتيىمدى سەرىكتەستىككە ءارقاشان دايىن، — دەدى شقو اكىمى دانيال احمەتوۆ..