Termincom.kz سايتى عىلىم مەن ءبىلىمنىڭ، تەحنيكا مەن ەكونوميكانىڭ، قوعامدىق–الەۋمەتتىك ومىردەگى تەرمين سوزدەردىڭ ءبىرىڭعاي رەسپۋبليكالىق تەرمينولوگيالىق ەلەكتروندى بازاسىن جاساپ ۇلگەردى.
پورتال قازاقستان رەسپۋبليكاسىندا تىلدەردى دامىتۋ مەن قولدانۋدىڭ 2011-2020 جىلدارعا ارنالعان مەملەكەتتىك باعدارلاماسىن جۇزەگە اسىرۋ ماقساتىندا قۇرىلعان.
قازاق تەرمينولوگياسىن جۇيەلەۋدىڭ جاڭا تالاپتارىن جۇزەگە اسىرۋدى كوزدەيتىن سايت - تەرمينولوگيالىق لەكسيكانى بىرىزدەندەرۋ، تەرمينولوگيالىق قوردى تولىقتىرۋ، تەرميندەردى جانە اتاۋلاردى قازاق ءتىلىنىڭ نورمالارىنا سايكەس رەتتەۋ، تەرمينولوگيالىق اتاۋلاردى قولدانۋ تيىمدىلىگىن ارتتىرۋ ماقساتىندا بۇقارا قاۋىمعا ارنالعان اقپاراتتىق قۇرال بولىپ تابىلادى.
سايتقا كىرۋشىلەر بەكىتىلگەن جانە قولدانىستاعى تەرميندەرمەن تانىسىپ، تەرمين سوزدەردى قىزمەتىنە قاتىستى قولدانا الادى، ۇتىمدى ەنگىزىلگەن تەرميندەردى سارالاپ، جاڭا تەرميندەردى ساراپتاۋعا مۇمكىندىك تۋادى. سالالىق تەرميندەردى قالىپتاستىرۋ مەن ستاندارتتاۋ، تەرميندەردى اۋدارۋ، تەرمين تۇزۋدەگى ۇستانىمدار تۋرالى عىلىمي جانە عىلىمي-كوپشىلىك، انىقتامالىق ادەبيەتتەر مەن تەرمينولوگيا سالاسىندا جارىق كورگەن ەڭبەكتەر مەن سوزدىكتەرمەن تانىسا الادى.
سونداي-اق، سايتتىڭ باستى مىندەتى - قازاقستان رەسپۋبليكاسى ۇكىمەتىنىڭ جانىنداعى رەسپۋبليكالىق تەرمينولوگيالىق كوميسسياسىنا بەكىتۋگە ۇسىنىلاتىن تەرميندەردى اشىق تالقىلاۋ جانە ولارعا داۋىس بەرۋ ارقىلى قوعامدىق قولجەتىمدىلىك پەن اشىقتىق قاعيدالارىن جۇزەگە اسىرۋدى قامتاماسىز ەتەدى.
سايتتان مەملەكەتتىك تەرمينولوگيا كوميسسياسى 1971-2015 جىلدار
ارالىعىندا بەكىتكەن تەرميندەر مەن اتاۋلاردىڭ جانە تەرميندەر حرونولوگياسىن (1925-2015 جىلدار ارالىعىندا بەكىتىلگەن تەرميندەردىڭ حرونولوگياسى )، قولدانىستاعى سالالىق تەرميندەر تۋرالى قازاقشا-ورىسشا، ورىسشا-قازاقشا وتىز تومدىق سوزدىكتى تابا الاسىز.
