شىعىس قازاقستان وبلىسىنىڭ ازاماتتىق اليانسى ق ر مەملەكەتتىك قىزمەت ىستەرى جانە سىبايلاس جەمقورلىققا قارسى اگەنتتىگىنىڭ شقو بويىنشا دەپارتامەنتىمەن بىرلەسە وتىرىپ، باقىلاۋ-قاداعالاۋ سالاسىنداعى جەمقورلىق تاۋەكەلىنە تالداۋ جاساۋدى تالقىلادى، دەپ حابارلادى Qamshy.kz اقپارات اگەنتتىگى.
بۇل كەزدەسۋگە شقو بويىنشا ىشكى مەملەكەتتىك اۋديت دەپارتامەنتىنىڭ، پوست-كەدەندىك باقىلاۋ باسقارماسىنىڭ، شقو بويىنشا مەملەكەتتىك كىرىستەر دەپارتامەنتىنىڭ وكىلدەرى، شقو تجد، شقو بويىنشاەكولوگيا دەپارتامەنتىنىڭ قىزمەتكەرلەرى قاتىستى. جينالعان مەملەكەتتىك قىزمەتكەرلەر بار جەمقورلىق تاۋەكەلى مەن ونى ازايتۋدىڭ امالدارىن تالقىلادى.
شقو بويىنشا مەمەكەتتىك كىرىستەر دەپارتامەنتىنىڭ پوست-كەدەندىك باقىلاۋ باسقارماسى كوشپەلى كەدەندىك تەكسەرۋ ءبولىمىنىڭ باسشىسى جاننا قاسەنجاروۆانىڭ سوزىنشە، بۇگىنگى تاڭدا كوشپەلى كەدەندىك تەكسەرۋ جۇرگىزۋ كەزىندە جەمقورلىق تاۋەكەلدىڭ بارى انىقتالعان.
دەگەنمەن مەملەكەت بارلىق قاجەت شارالاردى قابىلداۋدا. رەسپۋبليكا پرەزيدەنتى نۇرسۇلتان نازاربايەۆ قاداعالاۋشى ورگانداردىڭ ءرولى جازالاۋشى ەمەس، قولدانىستاعى زاڭنامانىڭ ورىندالۋىن قامتاماسىز ەتۋشى جانە كاسىپكەرلىكپەن اينالىساتىن ادامدارعا كومەكتەسۋشى رەتىندە كورسەتەدى، - دەيدى جاننا قاسەنجاروۆا.
سونىمەن قاتار، ول جوسپاردان تىس كوشپەلى تەكسەرۋلەردىڭ مۇمكىن بۇزۋشىلىقتار تۋرالى ناقتى دالەلدەر بولعان جاعدايدا عانا جۇرگىزىلەتىنىن باسا ايتتى. قانداي دا ءبىر بۇزۋشىلىق انىقتالسا، ول ادام بىردەن اكىمشىلىك جاۋاپكەرشىلىك تارتىلماي، 30 جۇمىس كۇنىنىڭ ىشىندە ءوز بەتىمەن بۇزۋشىلىقتى جويۋعا ۋاقىت بەرىلەدى ەكەن.
«شقو ازاماتتىق اليانسى» زتب ءتوراعاسى، وبلىستىق ءماسليحات دەپۋتاتى ولەگ چەرنىشوۆ تاۋەكەلدى ازايتۋ ءۇشىن مەملەكەتتىك قىزمەتكەرلەردى ىشكى تالدا جۇرگىزۋگە شاقىردى: «وتكەن جىلى ىشكى تالداۋ جۇرگىزگەن باسقارمالاردى مىسالعا الۋعا بولادى. ولار وسى ۋاقىت ارالاعىند قانداي ناتيجەگە كەلدى؟ ولار ءقازىر جەمقورلىققا قارسى مادەنيەت قۇرۋدا. بۇل جا ءوز عانا ەمەس، ولار مۇنى بارلىق سالادا قوولدانۋدا. ىشكى تالداۋ جۇرگىزىڭىزدەر، وندا سىزدەردىڭ كليەنتتەرىڭىز ءوزارا سەرىكتەستىككە ۇمتىلىپ، سىزدەرگنىم ارتاتىن بولادى».
