شىعىس قازاقستاننىڭ ارداگەرلىك ۇيىمدارى قازاق ءتىلىنىڭ لاتىن تاڭباسىنا اۋىسۋىن قولداپ وتىر. بۇل تۋرالى ءبىزدىڭ وبلىستىڭ ارداگەرلىك ۇيىمدارىنىڭ وكىلدەرى سەنىمدى تۇردە ايتتى، دەپ حابارلايدى Qamshy.kz اقپارات اگەنتتىگى.
2017 جىلدىڭ 13 قاراشاسىندا وبلىستىق دوستىق ۇيىندە «رۋحاني جاڭعىرۋ» باعدارلاماسىن جۇزەگە اسىرۋعا ارداگەرلەر كەڭەسىنىڭ قاتىسۋى تۋرالى دوڭگەلەك ۇستەل ءوتتى. وندا جاستاردىڭ پاتريوتتىق تاربيەسى، ۇرپاقتىڭ ميراسكەرلىگى مەن ارداگەرلەردىڭ جەتكىنشەك ۇرپاققا بەرەر كومەگى تۋرالى ماسەلەلەر تالقىلاندى.
اعىمداعى جىلى سەمەيدە ارداگەرلەردىڭ ءوز ەڭبەك جولدارى تۋرالى ەستەلىكتەرىنىڭ 15ء-شى كىتابى جارىق كورمەك. ال ريددەر قالاسىندا ارداگەرلىك ۇيىم 2 قىركۇيەك كۇنى مەكتەپتەرگە شىعىپ، سىنىپ ساعاتتارىن وتكىزدى، وقۋشىلارمەن ولاردىڭ جانە قازاقستان رەسپۋبليكاسىنىڭ بولاشاعى تۋرالى اڭگىمەلەستى. كۋرچاتوۆتا ارداگەرلەر كەڭەسى جاستار ورتالىعىمەن بىرلەسە وتىرىپ، سپورتتىق سايىستار ۇيىمداستىرادى.
شقو ىشكى ساياسات ءبولىمىنىع باسشىسى كراسنوبايەۆا نەللي لەونيدوۆنا ءوز سوزىندە: «ءبىزدىڭ ارداگەرلەر ۇنەمى العى شەپتە!» دەپ اتاپ وتكەن ەدى.
قازاق ءتىلىنىڭ لاتينيساعا ءوتۋ ماسەلەسى جەكە تالقىلاندى. وعان قاتىستى فيلولوگيا عىلىمدارىنىڭ كانديداتى، شقمۋ كافەدراسىنىڭ دوسەنتى ورازالين سلامبەك قاليبەك ۇلى تۇسىنىكتەمە بەردى:
«لاتىن تاڭباسىنا كوشۋ — زامان تالابى، ويتكەنى لاتىن تاڭباسى ىڭعيلى بولىپ تابىلادى، قازاق ءتىلىنىڭ فونەتيكالىق جۇيەسىن ناقتىراق بەرە الادى».
«ءيا، بىزگە دە وڭاي بولمايدى — ونى بارلىعىمىز جاقسى بىلەمىز، - دەيدى وبلىستىق ادگەرلەر كەڭەسىنىڭ وكىلى پودتۆەرديل شەرۋبايەۆ ايتقازى سەيىت ۇلى. – ءبىراق ءبىز بۇدان باسقا قيىندىقتاردى باستا كەشىردىك. ەڭ باستىسى، بۇل ءبىزدىڭ بولاشاعىمىز ءۇشىن!».
شقو-نىڭ ارداگەرلىك ۇيىمى وسى جىلى ءوزىنىڭ وتىز جىلدىعىن اتاپ وتەدى. وبلىسىمىزدىڭ تەك ءىرى قالالارىندا بۇگىندە 132 سوعىس جانە ەڭبەك ارداگەرلەرى بار. ولاردىڭ بارلىعى 1062 ارداگەرلىك ۇيىمعا بىرىكتىرىلگەن.
