شقمۋ عالىمدارى ورتا مەكتەپكە ارنالعان شىعىس قازاقستان گەوگرافياسىنىڭ وقۋلىعىن شىعاردى دەپ حابارلايدى Qamshy.kz اقپارات اگەنتتىگى.

سارسەن امانجولوۆ اتىنداعى شىعىس قازاقستان مەملەكەتتىك ۋنيۆەرسيتەتىنىڭ عالىمدار ۇجىمى بىرەگەي وقۋ قۇرالىن قۇراستىردى. ول «شىعىس قازاقستاننىڭ فيزيكالىق گەوگرافياسى» دەپ اتالادى. وقۋ قۇرالىنىڭ اۆتورلارى – گەوگرافيا عىلىمدارىنىڭ دوكتورى ا.ۆ. ەگورينا، ە.س.زينچەنكجانە يۋ.ك. زينچكو.

بۇل كىتاپ مەكتەپتەگى ولكەتانۋ كۋرسىن قامتاماسىز ەتۋگە ارنالعان. وندا شىعىس قازاقستاننىڭ فيزيكالىق گەوگرافياسى بويىنشا ماتەريالدارمەن قاتار ناقتى كوورديناتتار كورسەتىلگەن وزىندىك كارتالار بىرگە بەرىلگەن. ءار ءبولىم سۋرەتتەرمەن كوركەمدەلگەن. مىسالى، وبلىستىڭ كەن بايلىقتارى تۋرالى بولىمدە پايدالى قازبالاردىڭ ءتۇستى فوتوسۋرەتتەرى بار. وقۋ قۇرالى 2018 جىلدىڭ باس كەزىندە شىعارىلماق.

«ءبىزدىڭ ولكەنىڭ بايلىعىن، ءبىزدىڭ نەمەن ماقتانا الاتىنىمىزدى بالالار بىلۋگە ءتيىس. وقۋلىق بارلىعىن قامتيدى: لاندشافت، پايدالى قازبالار، كليمات، ينفراقۇرىلىمدىق نىساندار، ەكونوميكا، فلورا مەن فاۋنانى»، - دەپ ءوز ويىمەن ءبولىستى شقمۋ ستراتەگيالىق دامۋ مەن عىلىم بويىنشا دەپارتامەنتىنىڭ ديرەكتورى انار مىرزاعالييەۆا.

ورىس تىلىندەگى جارشى نۇسقاسى باسىلىپ، پروفەسسور مىرزاعالييەۆانىڭ سوڭعى رەداكتۋراسىنىڭ كەزەڭىندە تۇر. كىتاپ قازاق تىلىنە اۋدارىلعان، وقۋلىقتىڭ ەكى ءتۇرلى نۇسقاسىن شىعارۋ جوسپارلانۋدا – ورىس جانە قازاق مەكتەپتەرىنە ارنالعان. وسىدان كەيىن وقۋ قۇرالى قازاقستان رەسپۋبليكاسى ءبىلىم جانە عىلىم مينيسترلىگىنىڭ ساراپتاماسىنان ءوتىپ، شىعىس قازاقستان ايماعىنىڭ ورتا مەكەپتەرى ءۇشىن قوسىمشا ادەبيەت رەتىندە ۇسىنىلادى.

ازىرشە تيراجى 1000 دانا بولادى. پروفەسسور مىرزاعالييەۆانىڭ ايتۋىنشا، شقو اكىمى دانيال احمەتوۆ ءار مەكتەپ ەكى تىلدە تەگىن وقۋلىق الۋ ءۇشىن تيراجدى كوبەيتۋگە ۋادە ەتىپتى.

سونىمەن قاتار، «شىعىس قازاقستاننىڭ فيزيكالىق گەوگرافياسى» وقۋلىعىنىڭ ەلەكتروندى فورماتى بار. اۆتورلىق قۇقىق قورعالعان سوڭ، ول وبلىستىق اكىمدىكتىڭ سايتىندا جاريالاناتىن بولادى.

«شىعىس قازاقستاننىڭ فيزيكالىق گەوگرافياسى» - ەلباسىنىڭ «بولاشاققا باعدار: رۋحاني جاڭعىرۋ» اتتى ماقالاسىندا كورسەتىلگەن «رۋحاني جاڭعىرۋ» باعدارلاماسىن جۇزەگە اسىرۋ اياسىنداعى «تابيعات جانە تابيعي مۇرا» جوباسىنىڭ ءبىر بولىگى.