شىمكەنتتە تۇرعىن ۇيلەردىڭ بىرىندە ءبىر وتباسى ءولى كۇيىندە تابىلدى. قايعىلى جاعداي قالا شەتىندەگى تاسكەن اۋىلىندا بولعان. بۇل تۋرالى كازينفورم حابارلايدى.

وبلىستىق ءباسپاسوز-حاتشىلىعىنىڭ مالىمەتىنشە، وتباسىندا كۇيەۋى مەن ايەلى جانە ولاردىڭ 5 جاستاعى بالالارىنىڭ دەنەلەرى تابىلعان. بۇل جاعداي تۋرالى قۇقىق قورعاۋ ورگاندارىنا وتباسىنىڭ  كورشىلەرى حابارلاسىپ ايتقان.

وقيعا ورنىنا كەلىپ جەتكەن پوليسيا ءۇش ادامنىڭ ءمايىتىن تاپقان. بەلگىلى بولعانداي، ول  كۇيەۋى مەن ايەلىنىڭ (1976، 1983 جىلى دۇنيەگە كەلگەن) جانە ۇلدارىنىڭ (2012 جىلعى) دەنەلەرى بولىپ شىققان. زەرتتەۋ كەزىندە بۇل قىلمىس ەمەس ەكەنى انىقتالدى، سەبەبى ۇرلىقتىڭ، زورلىقتىڭ ىزدەرى تابىلماعان.

قۇقىق قورعاۋ ورگاندارى وتباسىنىڭ جىلىتۋ پەشىنىڭ گازىنان ۋلانعان بولۋى مۇمكىن دەگەن بولجام جاساپ وتىر. «سوت-مەديسينالىق ساراپتاما ناتيجەسى بويىنشا قازا تاپقانداردىڭ ءوىلىمىنىڭ سەبەبى انىقتالاتىن بولادى»-دەلىندى وقو ءىىد ءباسپاسوز-حاتشىلىعىنىڭ جەتەكشىسى سالتانات قاراكوزوۆا.