قازاقستان رەسپۋبليكاسىنىڭ جاقىن كورشىسى ءارى ستراتەگيالىق سەرىكتەسى – رەسەي فەدەراسياسى بولىپ تابىلادى. رەسەي مەن قازاقستان اراسىن جالعايتىن شەكارا 7،5 مىڭ شاقىرىمنان استام جەردى الىپ جاتىر، دەپ جازادى Qamshy.kz اقپارات اگەنتتىگى. رەسەي فەدەراسياسىنىڭ 12 سۋبەكتىسى (التاي ولكەسى، استراحان، ۆولگوگراد، قورعان، نوۆوسيبيرسك، ومبى، ورىنبور، سامارا، ساراتوۆ، تيۋمەن جانە چەليابينسك وبلىستارى) قازاقستاننىڭ جەتى ايماعىمەن شەكارالاس (اقتوبە، اتىراۋ، شىعىس قازاقستان، باتىس قازاقستان، قوستاناي، پاۆلودار جانە سولتۇستىك قازاقستان).

شەكارالىق ىنتىماقتاستىق جونىندەگى فورۋمداردى وتكىزۋ ءداستۇرى 2003 جىلى پايدا بولدى، ءبىراق ۇكىمەتارالىق ىنتىماقتاستىق جونىندەگى كوميسسيا 1997 جىلى قۇرىلعان بولاتىن. ەكى ەلدىڭ بىرلىگىن نىعايتىپ، اراسىن جاقىنداتۋ ءۇشىن ورتاق شەكارانىڭ بويىنداعى ەكونوميكالىق جانە باسقا دا قىزمەتتەردى رەتتەۋ قاجەتتىلىگى تۋىندادى. بۇل ماقساتتا ومبى قالاسىندا فورۋم ۇيىمداستىرىلدى.

2010 جىلى وسكەمەندە قازاقستان مەن رەسەي ءوڭىرارالىق ىنتىماقتاستىعىنىڭ VII فورۋمى ءوتتى. فورۋمنىڭ ۇرانى – «تۇراقتى دامۋ جانە جوعارى تەحنولوگيالار سالاسىنداعى ىنتىماقتاستىق» بولدى. فورۋمنىڭ وتكىزىلۋ ورنى رەتىندە – رەسپۋبليكا بويىنشا يننوۆاسيالىق جوبالاردى دامىتۋدا جانە تەحنوپاركتەر قۇرۋ بويىنشا كوشباستاپ تۇرعان داۋلەت سەرىكبايەۆ اتىنداعى شىعىس قازاقستان مەملەكەتتىك تەحنيكالىق ۋنيۆەرسيتەتى تاڭدالدى. ولاردىڭ ءبىرى بولعان – «التاي» ۋنيۆەرسيت كەشەنىندە ورنالاسقان. شقمتۋ اۋماعىندا كورمە ۇيىمداستىرىلىپ، وعان دميتريي مەدۆەديەۆ پەن نۇرسۇلتان نازاربايەۆ قاتىستى.

كەزدەسۋدى اشقان قازاقستان پرەزيدەنتى: «ءوڭىرارالىق ىنتىماقتاستىقتىڭ VII فورۋمى ەرەكشە ماڭىزعا يە. بۇل فورۋم جاڭا تاريحي جاعدايدا ءبىرىنشى رەت وتكىزىلىپ وتىر، ويتكەنى وسى جىلدىڭ شىلدە ايىنان باستاپ رەسەي، بەلارۋس جانە قازاقستان كىرەتىن كەدەن وداعى ءىس جۇزىندە ءوز جۇمىسىن باستادى. كەدەن شەكارالارى تولىعىمەن اشىلىپ، ءۇش مەملەكەتكە ورتاق كودەكس ىسكە قوسىلدى. بۇل ءبىزدىڭ ەلدەرىمىزدىڭ وڭىرلەرى اراسىنداعى تىكەلەي بايلانىستاردىڭ دامۋىنا جاڭا سەرپىن بەرەدى».

ەكى ەل باسشىلارى رەسەي مەن قازاقستاننىڭ ەكونوميكاسى نەگىزدەلگەن شيكىزاتتى ءوندىرۋ جانە وڭدەۋ تۇراقتى دامۋ ءۇشىن جەتكىلىكتى الەۋەتتى قامتاماسىز ەتپەيتىنىن اتاپ ءوتتى. سونداي-اق، فورۋمدا تۇرعىن ۇي-كوممۋنالدىق شارۋاشىلىق، نانوتەحنولوگيا جانە پوليمەتالل كەندەرىن بايىتۋ سالاسىنداعى جوعارى تەحنولوگيالار ۇسىنىلدى.

يرينا پلوتنيكوۆا